Սիբիլն ու Անդրեն տեսահոլովակ նկարահանեցին (կադրեր նկարահանման հրապարակից)

Մշակութային21:18, 11 Նոյեմբեր 2014

Սիբիլն ու Անդրեն տեսահոլովակ նկարահանեցին (կադրեր նկարահանման հրապարակից)

Ստամբուլահայ երգչուհի Սիբիլի հրավերով հայ հայտնի երգիչ Անդրեն Ստամբուլում է: Սիբիլն իր երկրորդ ալբոմում ունի դուետ Անդրեի հետ: Երգը կոչվում է «Սեր»: Օրեր առաջ երգիչներց այս երգի համար տեսահոլովակ նկարահանեցին:

«Տեսահոլովակը Ստամբուլում նկարահանելու առաջարկը ստացա Սիբիլից: Նա նախկինում էլ այս ռեժիսորի հետ աշխատել էր և հրավիրեց ինձ տեսահոլովակը այստեղ նկարահանելու: Սիբիլի հետ մեր համագործակցությունը՝ ավելի ճիշտ ընկերությունը արդեն 3 տարվա պատմություն ունի»,- «Ermenihaber.am»-ի հետ զրույցում պատմեց Անդրեն:

Նկարահանման հրապարակում կրակ, ջուր, հիանալի երգ: Երգիչները պատրաստվում են երաժշտասերներին ներկայացնել ոչ ստանդարտ ու գեղեցիկ մի տեսահոլովակ:

«Տեսահոլովակը Հայաստանում կցուցադրվի, բայց ես ցանկանում եմ, որ նաև Թուրքիայում ցուցադրվի, քանի որ ես այստեղ եմ ծնվել, այստեղ եմ ապրում»,- նշեց սփյուռքի լավագույն երգչուհի ճանաչված Սիբիլը:

Տեսահոլովակում Անդրեն մարմնավորում է ջուրը, իսկ Սիբիլը՝ կրակը: Ներկայացված է երկու տարերքների գեղեցիկ երկխոսություն: Տեսահոլովակը պատրաստ կլինի մի քանի շաբաթից:

Աստղիկ Իգիթյան / Ստամբուլ

Ermenihaber.am

Այս ենթաբաժնի վերջին նորությունները

18:05, 20 նոյ

Կարսի մարզպետարանը բարեկարգում է Անիի ավերակներ տանող ճանապարհը

հայոց միջնադարյան մայրաքաղաքը շարունակում է մեծ ուշադրության արժանանալ տեղացի ու օտարերկրյա զբոսաշրջիկների կողմից։

14:22, 18 նոյ

Թուրքական թատերական խմբակը Երևանում հանդես եկավ սարոյանական ներկայացմամբ (Տեսանյութ)

Թատերական խմբակի ղեկավար Էրթյուրք Էրքեքը ներկայացման վերջում պատասխանել է հանդիսատեսի հարցերին։

10:15, 07 նոյ

Ղրղզստանի մայրաքաղաքում թուրքական մշակույթի կենտրոն է բացվել

«Մենք այստեղ ենք՝ ներկայացնելու մեր լեզուն, մշակույթը և կիսելու մեր ընդհանուր ժառանգությունը»,-ասվել է Յունուս Էմրեի անվան համալսարանի սոցցանցյան գրառման մեջ։