Թուրք ռեժիսորի` Հայոց ցեղասպանության մասին ֆիլմը ցուցադրվել է Գերմանիայի 100 կինոթատրոններում

Ցեղասպանություն10:59, 19 Նոյեմբեր 2014

Թուրք ռեժիսորի` Հայոց ցեղասպանության մասին ֆիլմը ցուցադրվել է Գերմանիայի 100 կինոթատրոններում

Թուրքական ծագումով գերմանացի ռեժիսոր Ֆաթիհ Աքընի` Հայոց ցեղասպանության մասին պատմող «Վերք» ) ֆիլմը մեկ ամիս շարունակ ցուցադրվել է Գերմանիայի գրեթե 100 կինոթատրոններում: Թուրքական «Հաբերարթբիր» լրատվակայքի տեղեկացմամբ` ֆիլմը դիտել է ընդհանուր առմամբ մոտավորապես 85.000 մարդ: Մինչդեռ ֆիլմի ցուցադրման կազմակերպիչներն ավելի մեծ ակնկալիքներ են ունեցել կինոդիտողների քանակի առումով: Ֆիլմի սակավադիտելության պատճառը համարվում է Գերմանիայի հասարակության հիմնական մասի անտեղյակությունը Հայոց ցեղասպանության մասին:

Նախատեսվում է դեկտեմբերի 5-ին «Հատում» ֆիլմը էկրան բարձրացնել նաև Թուրքիայի կինոսրահներում: Աքընի հեղինակած ֆիլմը պատմում է Հայոց ցեղասպանությունից փրկված մարդինցի մի հայ դարբին Նազարեթ Մանուկյանի կյանքի մասին, թե ինչպես է նա Միջագետքի անապատներից մինչև Կուբա որոնում իր ենթադրաբար ողջ մնացած աղջիկներին:

Ֆիլմի բյուջեն կազմել է 16 մլն եվրո: Ֆիլմի պրոդյուսերների թվում են հայազգի Ռուբեն Դիշդիշյանը, գերմանացի Կարլ Բաումգարտները, Ռեյնհարդ Բրունինգը, Ֆաբիեն Վոնիերը: Նկարահանումները անցել են Հորդանանում, Կանադայում, Գերմանիայում, Կուբայում և Մալթայում:

Ermenihaber.am

Այս ենթաբաժնի վերջին նորությունները

16:39, 27 սեպ

Նյու Յորքի քաղաքապետը մեղադրվում է Հայոց ցեղասպանությունից չխոսելու դիմաց Թուրքիայից կաշառք ստանալու մեջ

Էրիկ Ադամսին մեղադրական եզրակացություն է ներկայացվել Նյու Յորքի հարավային շրջանի դատախազի կողմից, առ այն, որ նա Թուրքիայի կառավարության կողմից կաշառք է ստացել։

13:39, 11 սեպ

Հայոց ցեղասպանությունը վերապրած, իսլամացված հայ կնոջ պատմությունը «Սիրելի F» ֆիլմում

Հայկական արմատներով լուսանկարիչ և ռեժիսոր Սերա Աքջանը Ermeniahaber.am-ի հետ զրույցում պատմել է իր հեղինակած «Սիրելի F» (Sevgil F) վավերագրական ֆիլմի և ֆիլմհերոսի մասին, ով ևս հայ է։