Դավութօղլուի և Բարզանիի համատեղ մամուլի ասուլիսն ու զավեշտալի միջադեպը (տեսանյութ)

Տարածաշրջան11:13, 21 Նոյեմբեր 2014

Դավութօղլուի և Բարզանիի համատեղ մամուլի ասուլիսն ու զավեշտալի միջադեպը (տեսանյութ)

Թուրքիայի վարչապետ Ահմեթ Դավութօղլուն գտնվում է հյուսիսիրաքյան քրդական ինքնավարությունում, որտեղ հանդիպել է իրաքյան Քուրդիստանի նախագահ Մեսուդ Բարզանիի հետ: Մայրաքաղաք Էրբիլում կողմերը առանձնահանդիպում են ունեցել, որից հետո հանդես եկել համատեղ մամուլի ասուլիսով:

Ըստ թուրքական «Հաբերելեր» լրատվակայքի` Դավութօղլուն ներկաներին տեղեկացրել է, որ վարչապետի պաշտոնում Էրբիլ կատարած այցն առաջինն է: Այցի նպատակը և քննարկված հարցերի բովանդակությունը Թուրքիայի վարչապետը կարևորել է ներքոնշյալ 4 ասպեկտներով:

1. Մարդասիրական օգնություն

Իրաքում և Սիրիայում հարյուր հազարավոր մարդիկ տեղահանվել են: Թուրքիան ընդունել է արդեն գրեթե 2 մլն ներգաղթյալի: Տեղահանվածների մի մասն էլ ապաստանել են իրաքյան Քուրդիստանի տարածքում: Անկարան պատրաստակամ է աջակցել մարդասիրական օգնության հարցերում:

2. Անվտանգություն

Կողմերը քննարկել են անվտանգության ապահովման ուղղությամբ համատեղ քայլեր կատարելու հեռնանկարները: Իրաքի անվտանգությունը, ըստ Դավութօղլուի, կարևոր է Թուրքիայի համար և վերջինս շահագրգիռ է այդ հարցում:

3. Քաղաքական

Իրաքում ձևավորված նոր կառավարությունը, որն իր մեջ ներառում է բոլոր քաղաքական ուժերին, դրական է տրամադրված Անկարայի հանդեպ: Դավութօղլուն դա համարել է ձեռքբերում ոչ միայն Իրաքի, այլ ամբողջ տարածաշրջանի համար:

4. Տնտեսական համագործակցություն

Կողմերը որոշում են կայացրել խորացնել և ավելի զարգացնել առևտրատնտեսական հարաբերությունները:

Մամուլի ասուլիսի ժամանակ դահլիճում տեղի է ունեցել զավեշտալի մի դեպք, որը զվարճացրել է ներկաներին: Քուրդ լրագրողի` քրդերեն հնչեցրած հարցից հետո թարգմանիչը փոխանակ թուրքերեն թարգմանի Դավութօղլուի համար, քրդերեն վերաշարադրել է հարցը: Անհարմար դրության մեջ հայտնված Դավութօղլուն անզուսպ ծիծաղով խնդրել է թուրքերեն թարգամնել` պատճառաբանելով. «Քրդերեն քիչ եմ հասկանում»:

Տեսանյութն այստեղ

Ermenihaber.am

Այս ենթաբաժնի վերջին նորությունները

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունը (ԻՊ) դուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության և հանգստության մեջ, կա՛մ այլ կերպ»

14:00, 25 ապր

Ստամբուլում տեղի ունեցած 6.2 բալ ուժգնությամբ երկրաշարժից հետո գրանցվել է 291 հետցնցում

«AFAD»-ի հայտարարության համաձայն՝ հետցնցումները կանխատեսվել է, որ կմեղմանան և կավարտվեն առաջիկա մի քանի շաբաթների ընթացքում։

16:18, 23 ապր

Թուրքիան Սիրիային կապահովի ինտերնետով

Թուրքիայի տրանսպորտի և ենթակառուցվածքների նախարարը Դամասկոսում հանդիպել է Սիրիայի տրանսպորտի նախարարի հետ։

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Ջորջ Ասլանը Հայոց ցեղասպանության թեմայով արտահերթ ելույթ է ունեցել Թուրքիայի խորհրդարանում

«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։