Դինքի գործով դատապարտված Օգյուն Սամասթը լրացուցիչ հարցաքննության է կանչվել

Իրավական13:45, 05 Դեկտեմբեր 2014

Դինքի գործով դատապարտված Օգյուն Սամասթը լրացուցիչ հարցաքննության է կանչվել

Թուրրքիայում հրատարակվող «Ակոս» հայկական թերթի խմբագրապետ Հրանտ Դինքի սպանության գործով սկսված լրացուցիչ դատավարության շրջանակներում նույն գործով 22 տարվա ազատազրկման դատապարտված Օգյուն Սամասթը լրացուցիչ հարցաքննության է կանչվել: Այս անգամ արդեն Սամասթը 3 ժամ ցուցմունք է տվել վկայի կարգավիճակով:

Օրեր առաջ Սամասթը նամակ էր գրել դատախազ Յուսուֆ Դողանին՝ ասելով, որ ցանկանում է հանցագործության վերաբերյալ «խոսել»: Այդ նամակի հիման վրա էլ Օգյուն Սամասթը վկայի կարգավիճակով ցուցմունք տալու համար կալանավայրից դատախազություն էր տեղափոխվել: Թուրքական «Դողան» լրատվական գործակալության հաղորդմամբ՝ ցուցմունք տալուց հետո մարդասպանը կրկին տեղափոխվել է կալանավար:

Հիշեցնենք, որ Հրանտ Դինքը սպանվել էր 2007թ. հունվարի 19-ին Ստամբուլում՝ «Ակոս» թերթի խմբագրության առջև: 2012թ. հունվարի 17-ին դատարանի որոշմամբ՝ Դինքի սպանության կազմակերպիչ համարվող Յասին Հայալը ցմահ բանտարկության դատապարտվեց, անմիջական հանցագործ Օգուն Սամասթը՝ 22 տարվա ազատազրկման:

2014 թ. հոկտեմբերին Ստամբուլի ծանր հանցագործությունների գործերով 5-րդ դատարանը որոշում է կայացրել Հրանտ Դինքի սպանության գործով դատավարությունը սկսել զրոյից:

Այս անգամ բոլոր ամբաստանյալներին կառաջադրվի «հանցավոր խմբավորման ստեղծման և կառավարման կամ դրանում մասնակցություն ունենալու» մեղադրանք: Բացի այդ Դինքի սպանության ժամանակ բարձր պաշտոններ զբաղեցրած 9 անձի, այդ թվում Ստամբուլի նախկին ոստիկանապետ Ջելալեթին Ջերահի նկատմամբ դատական գործեր հարուցելու կապակցությամբ որոշումներ են ընդունվել:

Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։