Թուրք ազգայնական պատգամավորը կինոթատրոնում դիտել է ցեղասպանության մասին ֆիլմը

Տարածաշրջան14:38, 11 Դեկտեմբեր 2014

Թուրք ազգայնական պատգամավորը կինոթատրոնում դիտել է ցեղասպանության մասին ֆիլմը

Գերմանաբնակ թուրք ռեժիսոր Ֆաթիհ Աքընի՝ Հայոց ցեղասպանությանը մասին «Հատում» ֆիլմը կինոթատրոնում հանդիպեցրել է քաղաքական հայացքներով թերևս միմյանցից ամենահեռու թուրք պատգամավորներին:

Թուրքիայում արդեն մի քանի օր ցուցադրվող ֆիլմը Անկարայի «Բույուլու Ֆեներ» կինոթատրոնի միևնույն սրահում դիտել են ազգային փոքրամասնությունների շահերը պաշտպանող «Ժողովուրդների Դեմոկրատիա» կուսակցությունից ընտրված պատգամավոր Սըրրը Սուրեյա Օնդերը և քեմալիստական «Ժողովրդահանրապետական» կուսակցությունից ընտրված պատգամավոր ազգայնական հայացքներով հայտնի Դիլեք Յըլմազը:

Այս մասին հայտնում է թուրքական «Գերչեք գյունդեմ» լրատվական կայքը:

Աղբյուրի հաղորդմամբ՝ պատգամավորները, միմյանց հանդիպելով, չեն կարողացել զսպել իրենց զարմանքը, սակայն սահմանափակվել են միայն իրար ողջունելով:

Հիշեցնենք, որ «Հատում»-ը պատմում է տեղահանված մի հայի` մարդինցի դարբին Նազարեթ Մանուկյանի դեգերումների մասին: Հայոց ցեղասպանության տարիներին նա կորցնում է իր երկվորյակ դստրերին: Տարիներ անց, իմանալով, որնրանք կարող է ողջ լինեն, ճանապարհվում է նրանց փնտրելու:

Ֆիլմի սցենարը հեղինակել են ռեժիսոր Ֆաթիհ Աքընը ու իրանահայ Մարտիկ Մարտինը: Գլխավոր հերոսի դերակատարը ալժիրցի դերասան Թահար Ռահիմն է: Ֆիլմում նկարահանվել են նաև Սիմոն Աբգարյանը, Արսինե Խանջյանը և այլք:

138 րոպե տևողությամբ ֆիլմի նկարահանումներն անցկացվել են Հորդանանում, Կանադայում, Գերմանիայում, Կուբայում և Մալթայում: Իտալական, ֆրանսիական, գերմանական և ռուսական համատեղ արտադրության այս ֆիլմի պրոդյուսերական կազմը համալրում են Ռուբեն Դիշդիշյանը, Կարլ Բաումգարտները, Ռեյնհարդ Բրունինգը, Ֆաբիեն Վոնիերը:

Ermenihaber:am

Այս ենթաբաժնի վերջին նորությունները

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունը (ԻՊ) դուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության և հանգստության մեջ, կա՛մ այլ կերպ»

14:00, 25 ապր

Ստամբուլում տեղի ունեցած 6.2 բալ ուժգնությամբ երկրաշարժից հետո գրանցվել է 291 հետցնցում

«AFAD»-ի հայտարարության համաձայն՝ հետցնցումները կանխատեսվել է, որ կմեղմանան և կավարտվեն առաջիկա մի քանի շաբաթների ընթացքում։

16:18, 23 ապր

Թուրքիան Սիրիային կապահովի ինտերնետով

Թուրքիայի տրանսպորտի և ենթակառուցվածքների նախարարը Դամասկոսում հանդիպել է Սիրիայի տրանսպորտի նախարարի հետ։

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Ջորջ Ասլանը Հայոց ցեղասպանության թեմայով արտահերթ ելույթ է ունեցել Թուրքիայի խորհրդարանում

«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։