Միջազգային07:43, 11 Դեկտեմբեր 2014
Թուրք հոդվածագիրը հայերին, հույներին, եզդիներին և քրդերին անվանում է Թուրքիայի թշնամիներ
Քյոլնի համալսարանում դեկտմեբերի 6-7-ը
կազմակերպվել էր ցեղասպանություների թեմային նվիրված կոնֆերանս: Թուրքական «Յենի
աքիթ» լրատվակայքի սյունակագիր Ռամազան Ալքանն իր հեղինակած «Չար դաշինք Թուրքիայի
դեմ» հրապարակման մեջ կոնֆերանսի կազմակերպիչներին ու մասնակիցներին անվանում է
քրդերի բարեկամներ և Թուրքիայի թշնամիներ:
Համաժողովը կրել է «Ցեղասպանություն, արդարություն և առերեսում. Ոչ` 1915-ից մինչև Շանգալի ցեղասպանություններին» խորագիրը: Կազմակերպչական աշխատանքներն իրականացրել է «Քուրդիստանի բանվորական կուսակցության» (ՔԲԿ-PKK) հետ սերտ առնչություններ ունեցող 2013-ին ստեղծված Եվրոպայի խաղաղություն և ժողովրդավարության խորհուրդը» (ABDEM): Համաժողովում ելույթներով հանդես են եկել հայ, հույն, քուրդ, ասորի, եզդի և արևմտյան երկրների գիտնականներ: Բանախոսներն անդրադարձել են Հայոց ցեղասպանությանը, ինչպես նաև հույների, ասորիներ, եզդիների ու քրդերի դեմ իրականացված ցեղասպանական գործողություններին:
Հոդվածագիրը նշում է, որ վերոնշյալ ցեղասպանագործության մեջ ծանր մեղադրանքներ են հասցեագրվել ինչպես Օսմանյան Կայրսությանը, այնպես էլ ներկայիս Թուրքիայի Հանրապետությանը: Հնչել են կոչեր օսմանցիների և թուրքերի կողմից ցեղասպանության ենթարկված ազգային փոքրամասնությունների միավորման և միասնական պայքարի անհրաժեշտության մասին:
«Նրանք բոլորը Գերմանիայի հովանու ներքո հարձակվել են մեր երկրի վրա»,- դժգոհություն է հայտնում Ռամազան Ալքանը` «ՔԲԿ»-ին անվանելով ահաբեկչական կազմակերպություն, որի նպատակը Թուրքիան պառակտելն է: Ալքանը նկատել է տալիս, որ վերոնշյալ կոնֆերանսը նախապատրաստությունն էր գալիք 2015-ին:
Ermenihaber.am
Այս ենթաբաժնի վերջին նորությունները
Ըստ Թուրքիայի ազգային ժողովի պաշտպանության հանձնաժողովի նախագահի՝ Սիրիայում կարգուկանոն հաստատվելուց հետո Թուրքիան կարող է ծովային իրավասության քայլեր ձեռնարկել։
Նշվում է, որ Թուրքիայի ռազմական մոբիլիզացիան նման է 2019-ի Սիրիայի հյուսիս-արևելքում ռազմական գործողություններից առաջ տիրող իրավիճակին։
Թուրքիան կոչ է արել միջազգային հանրությանը վճռաբար արձագանքել Իսրայելի գործողություններին։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի և Գերմանիայի արտգործնախարարներն անդրադարձել են Թուրքիա-ԵՄ հարաբերություններին, Հայաստան-Ադրբեջան գործընթացին և Սիրիայում տիրող իրավիճակին։
Էլեկտրոնային պատերազմի թուրքական համակարգերը լիովին խաթարել էին Ասադի ռեժիմի ռազմական հաղորդակցության ենթակառուցվածքը Սիրիայում։
Ֆիդանն ընդգծել է, որ Թուրքիան պատրաստ է աջակցություն ցուցաբերել Սիրիայի ժողովրդի կարիքները հոգալու գործին։
Հունական «Kathimerini» թերթը գրում է, որ Աթենքը նախապատրաստական աշխատանքներ է տանում դրա դեմ և պնդում, որ համաձայնագրի կնքմամբ Կիպրոսը կհայտնվի շրջափակման մեջ:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |