Քաղաքական09:47, 07 Մարտ 2015
Radikal. Էրդողանի և Դավութօղլուի հարաբերություններն աստիճանաբար ավելի են լարվում
Թուրքիայի նախագահ Ռեջեփ Թայիփ Էրդողանը ցանկանում է Գյուլի թեկնածությունը որպես հաղթաթուղ օգտագործել վարչապետ Ահմեթ Դավութօղլուի դեմ: Նման տեսակետ է հայտնում թուրքական «Ռադիքալ» պարբերականի սյունակագիր Մուրաթ Յեթկինը: Հիշեցնում է, որ ավելի վաղ Դավութօղլուի նախաձեռնությամբ Թուրքիայի Ազգային հետախուզական ծառայության պետի` Հաքան Ֆիդանի հրաժարականի և պատգամավորի թեկնածության առաջադրման պատմությունը արդեն իսկ սրել էր Էրդողան –Դավութօղլու քաղաքական զույգի հարաբերությունները: Էրդողանը դեմ էր արտահայտվել Ֆիդանի պաշտոնաթողությանը: Այնուհետև, Թուրքիայի նախագահի և վարչապետի միջև հերթական լարվածությունն էր գրանցվել հունվարի 19-ի հրավիրված կառավարության առաջին նիստի ժամանակ: Այս ամենի ֆոնին Էրդողանի կողմից Թուրքիայի նախկին նախագահ Աբդուլլահ Գյուլի` պատգամավորի հնարավոր թեկանածությանը հավանություն տվող հայտարարությունը, ըստ Յեթքինի, Դավութօղլուին ուղղված ակնարկ է:
«Արդյո՞ք Էրդողանը դրանով ուզում է Դավութօղլուին հիշեցնել, թե նրան ով է ընտրել և ակնարկել, որ եթե հարկ լինի, կարող է կրկին նրանից (Դավութօղլուից) ավելի զորեղ իր նախկին գործընկերոջը հրավիրել»,-գրում է Յեթկինը:
Հեղինակի կարծիքով` եթե միայն Գյուլի թեկնածությունն առանձին վերցրած Դավութօղլուի համար առանձնապես մեծ հարված չէր կարող լինել, ապա մարտի 9-ին կայանալիք Թուրքիայի կառավարության հեթական նիստի նախօրյակին արված նման հայտարարությունն արդեն Թուրքիայի վարչապետին դժվար կացության մեջ կարող է դնել:
Ամփոփելով Յեթկինը եզրակացնում է, որ հունիսի 7-ի ընտրություններին ընդառաջ հետզհետե սրվող քրդական հարցի և տնտեսական խնդիրների կողքին ավելանում է ևս մեկը` իշխող «Արդարություն և զարգացում» կուսակցության (ԱԶԿ-AKP) ներսում մեծացող լարվածությունը, որի պատճառը , ըստ հեղինակի, Էրդողանի` «սուպեր-նախագահի» կարգավիճակ ստանալու ձգտումն է, իսկ Գյուլի թեկնածության առաջքաշումը ապացույցն է այն բանի, որ Էրդողանն արդեն սկսում է հասկանալ, որ իր ցանկության իրագործումը հետզհետե դժվարանում է:
Այս ենթաբաժնի վերջին նորությունները
Գյուրբյուզ Չափանը անդրադարձել է հայ-թուրքական կարգավորման գործընթացին, պատմել Տեր-Պետրոսյանի հետ հանդիպման, Գորշ գայլերի առաջնորդի կողմից աջակցություն ստանալու և ցեղասպան հորեղբոր մասին։
Համաձայնագրերի ստորագրման արարողությունը կայացել է նախագահական պալատում։
Այցը ծրագրվում է 2025-ին։ Այն իրականացվելու է քրիստոնեական եկեղեցու առաջին տիեզերական ժողովի 1700-ամյակը նշելու համար։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Գյուրբյուզ Չափանը անդրադարձել է հայ-թուրքական կարգավորման գործընթացին, պատմել Տեր-Պետրոսյանի հետ հանդիպման, Գորշ գայլերի առաջնորդի կողմից աջակցություն ստանալու և ցեղասպան հորեղբոր մասին։
Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
«Մենք այնտեղ (ԱՄՆ-ում) 6 հատ F-35 ինքնաթիռ ունենք։ Հիմա, երբ տեսան, որ մենք «Kaan» ենք ստեղծում, նրանց վերաբերմունքը փոխվել է»,-նշել էր Յաշար Գյուլերը։
Թուրքական «Asal» հետազոտական կենտրոնի կողմից սոցհարցում է անցկացվել՝ պարզելու, թե ընտրելու իրավունք ունեցողները, որ քաղաքական ուժի օգտին են քվեարկելու։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |