Ստամբուլում տեղի կունենա Լեփսիուսի և Էնվեր փաշայի հանդիպումը ներկայացնող ֆիլմի պրեմիերան

Մշակութային14:12, 13 Մարտ 2015

Ստամբուլում տեղի կունենա Լեփսիուսի և Էնվեր փաշայի հանդիպումը ներկայացնող ֆիլմի պրեմիերան

Ստամբուլի 34-րդ միջազգային կինոփառատոնի շրջանակներում տեղի կունենա Հայոց ցեղասպանության դրվագներից մեկը` գերմանացի հասարակական գործիչ, հոգևորական (աստվածաբանության դոկտոր), արևելագետ Յոհաննես Լեփսիուսի և Օսմանյան կայսրության ռազմական նախարար Էնվեր փաշայի հանդիպումը քննության առնող «Homo Politicus» անվանումով կարճամետրաժ ֆիլմի պրեմիերան:

Թուրքական «Գերչեք գյունդեմ» լրատվակայքի տեղեկացնում է, որ 20 րոպեանոց այդ ֆիլմի ռեժիսորը և սցենարի հեղինակը թուրքական հայտնի ամսագրերից մեկի` «Sanat ve Hayat»-ի գլխավոր խմբագիր, գրող Հաջը Օրմանն է: Ֆիլմը նկարագրում է Յոհաննես Լոփսիուսի` Հայոց ցեղասպանությունը դադարեցնելու նպատակով կատարած այցը Էնվեր փաշային և այն հիասթափությունը, որն ապրում է Լեփսիուսը նրա հետ հանդիպելուց հետո:

Ֆիլմում Լեփսիուսին մարմնավորում է գերմանացի դերասան Պետեր Վան Ստրոմբեքը, իսկ Էնվեր փաշային` գերմանաբնակ թուրք դերասան Մեհմեթ Յըլմազը: Ֆիլմը դեռևս նախագծային փուլում Երևանում մրցանակի է արժանացել Հայաստան-Թուրքիա կինոպլատֆորմի կողմից: Ֆիլմում օգտագործվել են ականատեսների գրավոր վկայություններ գերմանական և ամերիկյան արխիվներից, ինչպես նաև հատվածներ Էնվերի ու Թալեաթի նամակագրությունից:

Ֆիլմի համառոտ նկարագրությունը

Յոհաննես Լեփսիուսը միսիոներների անունից գործունեություն ծավալող հայտնի աստվածաբան է: Վերջինս այցելում է Էնվեր փաշայի` Ստամբուլում գտնվող շտաբ` նպատակ ունենալով քաղաքական և դիվանագիտական ճնշման միջոցով կանգնեցնել Օսմանյան կայսրության կողմից հայերի նկատմամբ իրականացվող բռնագաղթի քաղաքականությունը: Սակայն Լեփսիուսի կողմից առաջ քաշված բոլոր փաստարկները սառնասրտորեն մերժվում են Էնվերի կողմից: Հանդիպման ընթացքում մինչ Էնվերը փորձում է քայլ առ քայլ Լեփսիուսին ներգրավվել անազնիվ գործարքի մեջ, վերջինս արդեն իր համար կարևոր որոշում է կայացնում…

Աղբյուր` Ermenihaber.am

Այս ենթաբաժնի վերջին նորությունները

11:55, 15 ապր

Թուրքիայում կհեռարձակվի առաջին հայկական սերիալը

Սերիալը կհեռարձակվի «Լույս TV»-ի եթերում՝ հայերեն հնչողությամբ և թուրքերեն ենթագրով։

15:20, 11 ապր

Բուրսայում փլուզման եզրին գտնվող 300-ամյա հայկական եկեղեցին կվերածվի մշակութային կենտրոնի

Եկեղեցուն զուգահեռ վերանորոգվելու է հարակից տարածքում գտնվող և նախկինում ÇEK-ի կողմից շահագործված շենքը, որը ևս մշակութային կենտրոնի մի մասն է կազմելու: