Քաղաքական09:40, 14 Մարտ 2015
Թուրքիայի ԱԳՆ խոսնակն արձագանքել է Հայոց ցեղասպանության ճանաչմանն առնչվող ԵԽ զեկույցին
Թուրքիայի արտաքին գործերի նախարարության (ԱԳՆ) մամուլի խոսնակ Թանժու Բիլգիչը հայտարարություն է տարածել Եվրախորհրդարանում (ԵԽ) մարդու իրավունքների և ժողովրդավարության վերաբերյալ զեկույցում Հայոց ցեղասպանությանն առնչվող հիշատակումների կապակցությամբ:
Բիլգիչի բնորոշմամաբ` նշյալ զեկույցում 1915 թվականի դեպքերի վերաբերյալ տեղ են գտել պատմական ճշմարտությունից և իրավական հիմնավորումներից զուրկ արտահայտություններ:
Ըստ թուրքական «Դողան հաբեր» լրատվական գործակալության՝ Բիլգիչը մասնավորապես ասել է. «Այդ արտահայտությունները բոլոր տեսանկյուններից բավականաչափ խնդրահարույց են, և դրանք ափսոսանքով ենք ընդունում: Զեկույցն Օսմանյան կայսրությունում ապրող բոլոր ժողովուրդների համար ողբերգական ժամանակահատվածը մեկնաբանվում է ընտրովի արդարադատության զգացումով և միակողմանի մոտեցմամբ: Տվյալ խնդրի հետ կապված մեր պետության մարդկային, ճշմարտացի և կառուցողական նախաձեռնություններն անտեսվում են, առաջ են քաշվում տրամաբանությունից դուրս և ոչ իրավական պահանջներ»:
Արտգործնախարարության խոսնակը ընդգծել է, որ տվյալ պատմական հարցը չիմացողները կամ դրանք քաղաքականության համար շահագործողները ոչ միայն վնասում են Թուրքիա-ԵՄ հարաբերությունները, այլև խոչընդոտում են հայերի և թուրքերի` միասնաբար ապագա կառուցելու հավանականությանը:
«Մենք մեր եվրոպացի գործընկերներից ակնկալում ենք, որ կառուցողական մոտեցումից և անաչառ գիտական ուսումնասիրություններից խուսափող հայերին խրախուսեն լինել փոխզիջող և երկխոսող»,-ընդգծել է Բիլգիչը:
Հիշեցնենք, որ Եվրախորհրդարանի հանձնաժողովը վերննշյալ զեկույցով Եվրամիության անդամ երկրներին կոչ էր արել ճանաչել և դատապարտել Հայոց ցեղասպանությունը:
Այս ենթաբաժնի վերջին նորությունները
Գյուրբյուզ Չափանը անդրադարձել է հայ-թուրքական կարգավորման գործընթացին, պատմել Տեր-Պետրոսյանի հետ հանդիպման, Գորշ գայլերի առաջնորդի կողմից աջակցություն ստանալու և ցեղասպան հորեղբոր մասին։
Համաձայնագրերի ստորագրման արարողությունը կայացել է նախագահական պալատում։
Այցը ծրագրվում է 2025-ին։ Այն իրականացվելու է քրիստոնեական եկեղեցու առաջին տիեզերական ժողովի 1700-ամյակը նշելու համար։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Գյուրբյուզ Չափանը անդրադարձել է հայ-թուրքական կարգավորման գործընթացին, պատմել Տեր-Պետրոսյանի հետ հանդիպման, Գորշ գայլերի առաջնորդի կողմից աջակցություն ստանալու և ցեղասպան հորեղբոր մասին։
Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
«Մենք այնտեղ (ԱՄՆ-ում) 6 հատ F-35 ինքնաթիռ ունենք։ Հիմա, երբ տեսան, որ մենք «Kaan» ենք ստեղծում, նրանց վերաբերմունքը փոխվել է»,-նշել էր Յաշար Գյուլերը։
Թուրքական «Asal» հետազոտական կենտրոնի կողմից սոցհարցում է անցկացվել՝ պարզելու, թե ընտրելու իրավունք ունեցողները, որ քաղաքական ուժի օգտին են քվեարկելու։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |