Թուրք-ադրբեջանական համատեղ խոշոր զորավարժությունն ավարտվում է

Տարածաշրջան13:02, 01 Ապրիլ 2015

Թուրք-ադրբեջանական համատեղ խոշոր զորավարժությունն ավարտվում է

Թուրքիայի Քոնյա քաղաքում մարտի 2-ին մեկնարկած թուրք-ադրբեջանական «TURAZ Şahini 2015» համատեղ ռազմաօդային ուժերի զորավարժությունները մոտենում են ավարտին` ապրիլի 1-ին: Ըստ թուրքական «Հաբեր 7» լրատվական կայքի` ապրիլի 1-ին տեղի ունեցած զորավարժությանը ներկա են եղել Թուրքիայի և Ադրբեջանի ռազմաօդային ուժերի հրամանատարներ, բանակի գեներալներ Աքըն Օզթուրքը և Ռամիզ Թահիրովը:

Նրանք զորավարժության ժամանակ հետևել են ռազմական ինքնաթիռների ոսումնական թռիչքներին և կրակահերթերին: Զորավարժության նախավերջին օրը փորձարկվել է F-16 և F-4 ինքնաթիռների վրա տեղադրված MK 82 տիպի ռումբը, ապա ինքնաթիռները իրականացրել են մի շարք խուսանավումներ:

Թուրքիան զորավարժությանը ներկայացված է եղել 6 ռազմական ինքնաթիռով և 7 ուղղաթիռով, իսկ Ադրբեջանի կողմից զորավարժության ժամանակ գործի է դրվել 6 ռազմական ինքնաթիռ և 4 ուղղաթիռ, ինչպես նաև 104 հոգանոց անձնակազմ:

Թուրքիայի «Անատոլիական արծիվ» ռազմաուսումնական կենտրոնի հրամանատար Յարբայ Հասան Շեֆեր Չելիքերը ընդգծել է, որ թուրք-ադրբեջանական ռազմաօդային ուժերի զորավարժությունները տեղի են ունեցել միջազգային չափանիշներին համապատասխան:

Հիշեցնենք, որ նույն զորավարժության ժամանակ մարտի 5-ին Քոնյա քաղաքից 22 կմ հեռավորության վրա կործանվել էր F-4 տեսակի ռազմական ինքնաթիռ, որի հետևանքով զոհվել էր երկու օդաչու:

Աղբյուր` Ermenihaber.am

Այս ենթաբաժնի վերջին նորությունները

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունը (ԻՊ) դուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության և հանգստության մեջ, կա՛մ այլ կերպ»

14:00, 25 ապր

Ստամբուլում տեղի ունեցած 6.2 բալ ուժգնությամբ երկրաշարժից հետո գրանցվել է 291 հետցնցում

«AFAD»-ի հայտարարության համաձայն՝ հետցնցումները կանխատեսվել է, որ կմեղմանան և կավարտվեն առաջիկա մի քանի շաբաթների ընթացքում։

16:18, 23 ապր

Թուրքիան Սիրիային կապահովի ինտերնետով

Թուրքիայի տրանսպորտի և ենթակառուցվածքների նախարարը Դամասկոսում հանդիպել է Սիրիայի տրանսպորտի նախարարի հետ։

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Թուրքիայի ռազմական ծախսերը 2024-ին կազմել են 25 մլրդ դոլար

Այս ցուցանիշով Թուրքիան աշխարհի երկրների ցանկում զբաղեցրել է 17-րդ հորիզոնականը։

Ջորջ Ասլանը Հայոց ցեղասպանության թեմայով արտահերթ ելույթ է ունեցել Թուրքիայի խորհրդարանում

«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։