Մշակութային11:43, 01 Ապրիլ 2015
Թուրքական ամսագրի ապրիլյան համարը նվիրված է Հայոց ցեղասպանությանը
Թուրքիայում «Evrensel Kültür» ամսագիրի ապրիլյան համարն ամբողջությամբ նվիրված է լինելու Հայոց ցեղասպանության 100-րդ տարելիցին: «Էվրենսել» լրատվական կայքը տեղեկացնում է, որ ամսագիրը 100-ամյա ցավը և ամոթը քննելու է պատմության, մշակույթի և արվեստի դիտանկյունից: Հասկանալու համար, թե թուրքերը առանց հայերի ինչ են կորցրել, պետք է հարցը քննեն ոչ միայն խղճի և բանականության, այլև պատմության, լեզվի, արվեստի, արհեստների, գրականության և մյուս «հարստությունների» պրիզմայի միջով , որոնք մարդուն մարդ են դարձնում են:
Ամսագրում հրապարակվելու են հայտնի լրագրողների, գրողների հոդվածները, որոնք կներկայացնեն հայերի բացակայությունից առաջացած դատարկությունը: Ընթերցողի դատին են հանձնվելու հոդվածներ, որոնք պատմելու են տարբեր բնագավառներում հայերի ունեցած ներդրումների մասին: Մասնավորապես բանասեր Նեջմիյե Ալփայն իր հոդվածում ներկայացնելու է լեզվագիտության բնագավառում հայ լեզվաբանների ունեցած դերի մասին՝ սկսած Թուրքական լեզվագիտական ընկերության առաջին գլխավոր քարտուղար Հակոբ Դիլաչարից (Մարթայան) մինչև Սևան Նիշանյան:
Նաև կլինեն հոդվածներ`նվիրված թուրքական կինոյի հայ վարպետներին, թուրքական թատրոնում հայերի դերակատարությանը, հայկական երաժշտությանը, թուրքական վիպագրության մեջ հայի կերպարին և Հայոց ցեղասպանության ընկալումներին:
Ամսագրում կներկայացվի «20 կախաղան» հուշապատումի մասին պատմող հոդված: Հեղինակը հայ հոգևորական Գալուստ Պողոսյան է, ով գրել է 1915 թվականին Հնչակյան կուսակցության 20 անդամների մահապատժի մասին, որին անձամբ է ականատես եղել: Գիրքն առաջին անգամ հայարեն տպագրվել է 1921 թվականին: Այժմ «Էվրենսել» հրատարակչությունը պատրաստվում է գիրքը հրատարակել թուրքերեն:
Այս ենթաբաժնի վերջին նորությունները
Նշվում է, որ Ուրֆայում գտնվող հայկական եկեղեցու մի մասը փլուզվել է երկրաշարժի հետևանքով, իսկ մյուս մասը՝ վերածվել մզկիթի։
Թուրքիայում կառուցված մզկիթների թիվը հասնում է 89.000-ի։
հայոց միջնադարյան մայրաքաղաքը շարունակում է մեծ ուշադրության արժանանալ տեղացի ու օտարերկրյա զբոսաշրջիկների կողմից։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ռուսաստանի արտգործնախարար Սերգեյ Լավրովը ապրիլի 12-ին կմեկնի Թուրքիա՝ մասնակցելու դիվանագիտական ֆորումին։
Նախորդ տարվա նույն ժամանակահատվածի համեմատ Հայաստան կատարված արտահանման ծավալները նվազել են 14.4%-ով:
Թուրքիայի «Մարմարա քրեակատարողական հիմնարկների համալիրը» կազմված է 9 փակ և 1 բաց ռեժիմի բանտերից։
Ադրբեջանի նախագահ. «Մեր քաղաքականությունը հստակ է։ Մենք միշտ եղբայրական ժողովրդի կողքին ենք եղել և այդպես էլ շարունակելու ենք»:
ԱՄՆ-ն ժամանակին Թուրքիային դուրս էր թողել այդ կործանիչների արտադրության համատեղ ծրագրից, քանի որ Անկարան Ռուսաստանից գնել էր ռուսական S-400 ՀՕՊ համակարգեր:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |