Քաղաքական10:43, 08 Ապրիլ 2015
Թուրքիայի իշխող կուսակցությունը պատգամավորի հայ թեկնածու է առաջադրել
Հունիսի 7-ին տեղի են ունենալու Թուրքիայի 25-րդ գումարման խորհրդարանական ընտրությունները: Թուրքիայի քաղաքացի, հայազգի Մարգար Եսայանը իշխող «Արդարություն և զարգացում» կուսակցության (ԱԶԿ- AKP) կողմից առաջադրվել է պատգամավորի թեկնածու:
Թուրքական «Հաբերլեր» լրատվակայքի տեղեկացմամբ՝Եսայանը թեկնածու առաջադրվելու վերաբերյալ դիմում էր ներկայացրել մարտի 20-ին: Իսկ նախօրեին ԱԶԿ-ի կողմից հրապարակված թեկնածուների վերջնական ցուցակից պարզ դարձավ, որ ազգությամբ հայ քաղաքացու թեկնածությունը հաստատվել է:
Ընդհանուր առմամբ Ստամբուլի երեք ընտրական շրջանների համար ԱԶԿ-ն առաջադրել է 88 թեկնածու: Մարգար Եսայանն առաջադրվել է երկրորդ ընտրական շրջանում և թեկնածուների ցուցակում զբաղեցրել 12-րդ տեղը: Եթե Եսայանը ընտրվի, ապա նա կլինի ԱԶԿ-ի պատմության մեջ առաջին հայ պատգամավորը:
Մարգար Եսայանը 1997-ից թղթակցել է Թուրքիայում լույս տեսնող հայկական «Ակոս» թերթին, իսկ 2006-ին թերթում սկսել է վարել «Նեղ դուռ» (Dar Kapı) խորագրով սյունյակը: 2004թ. և 2007թ. լույս են տեսել նրա հեղինակած երկու գրքերը, որոնցից առաջինը՝ «Ներկայի նեղ սենյակը» («Şimdinin Dar Odası») արժանացել է հատուկ մրցանակի: Եսայանն աշխատել է նաև թուրքական ընդդիմադիր «Թարաֆ» թերթում որպես սյունակագիր, համակարգող, իսկ որոշ ժամանակ նաև՝ գլխավոր խմբագիր: Սկսյալ 2013-ից թղթակցում է թուրքական իշխանամետ «Յենի շաֆաք» պարբերականին:
Այս ենթաբաժնի վերջին նորությունները
Գյուրբյուզ Չափանը անդրադարձել է հայ-թուրքական կարգավորման գործընթացին, պատմել Տեր-Պետրոսյանի հետ հանդիպման, Գորշ գայլերի առաջնորդի կողմից աջակցություն ստանալու և ցեղասպան հորեղբոր մասին։
Համաձայնագրերի ստորագրման արարողությունը կայացել է նախագահական պալատում։
Այցը ծրագրվում է 2025-ին։ Այն իրականացվելու է քրիստոնեական եկեղեցու առաջին տիեզերական ժողովի 1700-ամյակը նշելու համար։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Գյուրբյուզ Չափանը անդրադարձել է հայ-թուրքական կարգավորման գործընթացին, պատմել Տեր-Պետրոսյանի հետ հանդիպման, Գորշ գայլերի առաջնորդի կողմից աջակցություն ստանալու և ցեղասպան հորեղբոր մասին։
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
«Մենք այնտեղ (ԱՄՆ-ում) 6 հատ F-35 ինքնաթիռ ունենք։ Հիմա, երբ տեսան, որ մենք «Kaan» ենք ստեղծում, նրանց վերաբերմունքը փոխվել է»,-նշել էր Յաշար Գյուլերը։
Թուրքիայում խոշոր սոցհարցում է անցկացվել՝ պարզելու երկրի 81 նահանգների IQ մակարդակը:
Լիլիա Ամիրխանյանը Ermenihaber.am-ի հետ զրույցում նշել է, որ հայ-թուրքական սահմանի բացման հարցում տնտեսական էֆեկտները գնահատելու հետ կապված անորոշությունը շատ մեծ են։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |