Ցեղասպանություն09:50, 11 Ապրիլ 2015
Վատիկանի հրատարակած աղոթագրքում օգտագործված ցեղասպանություն բառը զայրացրել է Թուրքիային
Վաղը՝ ապրիլի 12-ին, Վատիկանի Ս. Պետրոս տաճարում կատարվելու է Հայոց ցեղասպանության անմեղ զոհերի հիշատակին նվիրված պատարագ, որը կմատուցի Ֆրանցիսկոս Առաջին Պապը: Պատարագին կմասնակցեն նաև Ամենայն Հայոց Կաթողիկոս Ն.Ս.Օ.Տ.Տ. Գարեգին Երկրորդը, Կիլիկիայի Կաթողիկոս Ն.Ս.Օ.Տ.Տ. Արամ Առաջինը և ՀՀ նախագահ Սերժ Սարգսյանը: Պատարագից առաջ Սուրբ Աթոռը տարածել է աղոթագրքեր, որտեղ տեղ է գտել ցեղասպանություն բառը: Այս փաստը բառացիորեն շոկ է առաջացրել Թուրքիայում: Թուրքական «internethaber.com» լրատվակայքը անդրադարձել է թեմային՝ «Վատիկանից՝ Անկարային. շոկ առաջացնող որոշում» վերնագրով հոդվածում:
Հոդվածում նշվում է, որ «Զատիկի երկրորդ կիրակին կամ աստվածային ողորմություն» և «Հայոց նահատակության 100–րդ տարելիցի կապակցությամբ սուրբ պատարգ» վերնագիրը կրող աղոթագրքում տեղ են գտել պատարագին ընթերցվելիք աղոթքներ, հատվածներ ավետարանից, ինչպես նաև սուրբ Գրիգոր Նարեկացու կենսագրությունը: Վերջինիս կաթոլիկ եկեղեցին «տիեզերական եկեղեցու վարդապետի» տիտղոս էր շնորհել, ինչ մասին Ֆրանցիսկոս Պապը կհայտարարի պատարագի ժամանակ:
Թուրքական աղբյուրը մեջբերում է նաև գրքույկում տեղ գտած հետևյալ նախադասությունը.
«Մեր Տեր Հիսուս Քրիստոս, ողորմյա մարդկության պատմության մեջ ցավագին հետք թողած ցեղասպանությունների, պատերազմների և բոլոր ջարդերի զոհերին, և հատկապես այս պատարագի ժամանակ մեր հիշատակած հայ ազգի ներկայացուցիչներին»:
Դեռևս հայտնի չէ սակայն, թե արդյոք Ֆրանցիսկո Պապը կօգտագործի ցեղասպանություն բառը նաև հայ նահատակների հիշատակին նվիրված պատարագի ժամանակ:
Նշենք, որ դեռ Բուենոս Այրեսի արքեպիսկոպոս եղած ժամանակ ներկայիս Պապը հայտարարել էր, որ «թուրքերը հայերի նկատմամբ ցեղասպանություն են իրագործել», իսկ Հռոմի պապ ընտրվելուց հետո էլ մի առիթով նշել էր, որ Հայոց ցեղասպանությունը 20-րդ դարի առաջին ցեղասպանությունն է:
Այս ենթաբաժնի վերջին նորությունները
Էրիկ Ադամսին մեղադրական եզրակացություն է ներկայացվել Նյու Յորքի հարավային շրջանի դատախազի կողմից, առ այն, որ նա Թուրքիայի կառավարության կողմից կաշառք է ստացել։
Հայկական արմատներով լուսանկարիչ և ռեժիսոր Սերա Աքջանը Ermeniahaber.am-ի հետ զրույցում պատմել է իր հեղինակած «Սիրելի F» (Sevgil F) վավերագրական ֆիլմի և ֆիլմհերոսի մասին, ով ևս հայ է։
Նախքան Հայոց ցեղասպանությունն Օսմանյան կայսրությունում ապրում էր ավելի քան 2 մլն հայ:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ըստ թուրքական մամուլի՝ քուրդ զինյալների հրամանատարը հրավիրվել է Թրամփի երդմնակալության արարողությանը։
Զորավարժությունն անցկացվում է Թուրքիայի Մարմարիս քաղաքի «Աքսազ» ռազմածովային բազայում։
Լոնդոնում կազմակերպվել է նրանց հանդիպումը։
«Անձրևների բացակայությամբ պայմանավորված քաղաքում առկա է այնքան ջուր, որը մոտավորապես կբավարարի 310 օր»,-հայտնել է քաղաքապետարանը։
Ամերիկյան «Global Firepower» կայքը կազմել է2024-ի աշխարհի ամենահզոր ռազմական նավատորմեր ունեցող երկրների ցանկը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |