Տարածաշրջան08:27, 13 Ապրիլ 2015
Hurriyet. «Սարգսյանը գոհ է»
Թուրքիայի առաջատար լրատվամիջոցներից չափավոր իշխանամետ «Հյուրրիյեթ» պարբերականն անդրադարձել է ՀՀ նախագահ Սերժ Սարգսյանի՝ Ֆրացիսկոս Պապին ուղղված շնորհակալական ուղերձին:
Միջանկյալ նշենք, որ ապրիլի 12-ին Հայոց ցեղասպանության 100-րդ տարելիցի առթիվ Վատիկանի Սբ Պետրոսի տաճարում տեղի ունեցած աննախադեպ պատարագի ժամանակ Պապը նշել էր. «20-րդ դարասկզբի առաջին ցեղասպանությունն իրականացվել է հայերի նկատմամբ»:
«Սարգսյանը գոհ է» վերնագրով հրապարակման մեջ աղբյուրը հայտնում է, որ ՀՀ նախագահի աշխատակազմի տարածած հայտարարությամբ արտահայտվել է նախագահի գոհունակությունը Պապի խոսքերից: Այնուհետև պարբերականը մեջբերում է հայտարարության հետևյալ հատվածը.
«Խորապես շնորհակալ ենք Նորին Սրբություն Ֆրանցիսկոս Պապին այս աննախադեպ պատարագի գաղափարի համար, որը խորհրդանշում է քրիստոնյա աշխարհի համերաշխությունը մեր ժողովրդի հետ»:
«Հյուրիյեթը» նաև ընդգծում է, որ իտալական RAI հեռուստաընկերությանը տված հարցազրույցի ժամանակ Սերժ Սարգսյանը, անդրադառնալով ապրիլի 24-ին Թուրքիայում կայանալիք Գալիպոլիի (Չանաքքալե, Դարդանել) տոնակատարություններին, ասել է.
«Գալիպոլիի մարտերի հիշատակի արարողություններով Անկարան ցանկանում է շեղել աշխարհի ուշադրությունը՝ ինչպես դա միշտ է արել: Ամեն տարի ապրիլի 24-ին Թուրքիան տարբեր միջոցներով ժխտում է ցեղասպանությունը: Եթե առաջիկա ապրիլի 24-ին ԱՄՆ-ն, Իտալիան, Գերմանիան ավելի բարձրաստիճան պատվիրակություններ ուղարկեն Թուրքիա՝ Գալիպոլիի տոնակատարությունների առթիվ, ապա Թուրքիան կփորձի դա օգտագործել որպես հաղթաթուղթ և մեզ դառնալով՝ կասի. տեսնու՞մ եք, նրանք էլ չեն կարևորում ցեղասպանությունը»:
Թուրքական ընդդիմադիր «odatv.com» լրատվակայքն էլ, հղում կատարելով իտալական «Corriere Quotidiano» պարբերականին, գրում է, որ ՀՀ նախագահը Վատիկանում հայտարարել է . «Ես վստահ եմ , որ մի օր Թուրքիան կճանաչի Հայոց ցեղասպանությունը»:
Այս ենթաբաժնի վերջին նորությունները
Ֆիդան․«Ինչպես «Իսլամական պետություն» ահաբեկչական կազմակերպությունը (ԻՊ) դուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության և հանգստության մեջ, կա՛մ այլ կերպ»
«AFAD»-ի հայտարարության համաձայն՝ հետցնցումները կանխատեսվել է, որ կմեղմանան և կավարտվեն առաջիկա մի քանի շաբաթների ընթացքում։
Թուրքիայի տրանսպորտի և ենթակառուցվածքների նախարարը Դամասկոսում հանդիպել է Սիրիայի տրանսպորտի նախարարի հետ։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այս ցուցանիշով Թուրքիան աշխարհի երկրների ցանկում զբաղեցրել է 17-րդ հորիզոնականը։
«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։
Նշվում է, որ հանդիպմանը քննարկվել է Գազայում հումանիտար իրավիճակը և հրադադարի շուրջ բանակցություններում առկա վերջին զարգացումները։
Ֆիդան․«Ինչպես «Իսլամական պետություն» ահաբեկչական կազմակերպությունը (ԻՊ) դուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության և հանգստության մեջ, կա՛մ այլ կերպ»
«Ես քաղաքական հավակնություններ չունեմ: Ինձ հաճախ են հարցնում այս մասին, բայց ես կցանկանայի մնալ ոչ կառավարական հատվածում»։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |