Թուրքիայի մեջլիսի նախագահը «Եթե վաղը ցավալի դեպքեր տեղի ունենան, ապա դրանք պապի խղճին են մնալու»

Ցեղասպանություն10:31, 13 Ապրիլ 2015

Թուրքիայի մեջլիսի նախագահը «Եթե վաղը ցավալի դեպքեր տեղի ունենան, ապա դրանք պապի խղճին են մնալու»

Թուրքիայի խորհրդարանի նախագահ Ջեմիլ Չիչեքը ևս արձագանքել է Վատիկանում անցկացված Հայոց ցեղասպանության 100-րդ տարելիցին նվիրված պատարագին ու Ֆրանցիսկոս պապի`«20-րդ դարի առաջին ցեղասպանությունն իրագործվել է հայերի նկատմամբ» խոսքերին:

Թուրքական «Haberturk TV»-ին հյուրընկալված թուրք բարձրաստիճան պաշտոնյան պապի խոսքերը բացահայտ զրպարտանք ու քաղաքական խտրականության դրսևորում է անվանել:

Չիչեքը մասնավորապես ասել է. «1915-ը առաջին աշխարհամարտի ամենաարյունոտ տարին է: Լուրջ տառապանքների տարի է: Սակայն այդ ամենն ապրել են ոչ միայն հայերը, այլ նաև` թուրքերն ու քրդերը: Պապի աթոռին նստած մարդու կողմից որևէ ժողովրդի ուղղված նման ցավալի մեղադրանքն անընդունելի է: Դա բացահայտ զրպարտանք ու խտրականության դրսևորում է: Որևէ ժողովրդի դեմ ուղղված ցեղասպանության մեղադրանքը ամենամեծ զրպարտանքն է: Դա ամբողջությամբ քաղաքական խտրականություն, ռասիզմ և ատելություն պարունակող ուղերձ է: Եթե վաղը ցավալի դեպքեր տեղի ունենան, ապա դրանք պապի խղճին են մնալու»:

Աղբյուր` Ermenihaber.am

Այս ենթաբաժնի վերջին նորությունները

16:39, 27 սեպ

Նյու Յորքի քաղաքապետը մեղադրվում է Հայոց ցեղասպանությունից չխոսելու դիմաց Թուրքիայից կաշառք ստանալու մեջ

Էրիկ Ադամսին մեղադրական եզրակացություն է ներկայացվել Նյու Յորքի հարավային շրջանի դատախազի կողմից, առ այն, որ նա Թուրքիայի կառավարության կողմից կաշառք է ստացել։

13:39, 11 սեպ

Հայոց ցեղասպանությունը վերապրած, իսլամացված հայ կնոջ պատմությունը «Սիրելի F» ֆիլմում

Հայկական արմատներով լուսանկարիչ և ռեժիսոր Սերա Աքջանը Ermeniahaber.am-ի հետ զրույցում պատմել է իր հեղինակած «Սիրելի F» (Sevgil F) վավերագրական ֆիլմի և ֆիլմհերոսի մասին, ով ևս հայ է։