Թուրքական կայք. «Ամոթի 100 տարի, հիշատակի համերգ Ստամբուլում»

Մշակութային09:03, 22 Ապրիլ 2015

Թուրքական կայք. «Ամոթի 100 տարի, հիշատակի համերգ Ստամբուլում»

Թուրքիայի «Անատոլիական մշակույթ» (Anadolu Kültür) ընկերության և «Քալան» երաժշտական նախաձեռնության (Kalan Müzik) համագործակցությամբ ապրիլի 22-ին Ստամբուլում կկազմակերպվի համերգ՝ նվիրված Հայոց ցեղասպանությանը զոհ գնացած հայ մտավորականների հիշատակին:

Այս մասին հայտնող թուրքական «evrensel.net» լրատվակայքը Հայոց ցեղասպանությանը հաջորդած մեկ դարը բնորոշել է որպես ամոթի 100 տարի:

Ըստ աղբյուրի՝ համերգը, որը կրում է «In Memoriam / 24 Ապրիլ – 1915 թուին դէպի մահը ղրկուած Հայ մտաւորականներու յիշատակին» խորագիրը, կմեկնարկի այսօր երեկոյան, Թուրքիայի ժամանակով ժամը 20:30-ին և ուղիղ միացմամբ հասանելի կլինի kalan.com կայքում:

«1915-ի ապրիլի 24-ին ձերբակալված և աքսորի ճանապարհին սպանված հայ մտավորականների, գրողների և բանաստեղծների հիշատակին նվիրված երեկոյի ընթացքում ելույթ կունենան «Քարդեշ թյուրքյուլեր» խումբը, մշակույթի գործիչներ Արա Դինքչյանը, Էրքան Օղուրը, Հասմիկ Հարությունյանը, Էյլին Խաչատուրյանը, Գագիկ Մուրադյանը, Դավիթ Մայորալը, Շահան Արծրունին, Հայկ Սարըքույումջյանը: Երեկոյին առաջին անգամ կհնչի Զյուլֆու Լիվանելիի «Փառք Կոմիտասին» (Hommage to Gomidas) ստեղծագործությունը: Նաև կլինեն ընթերցումներ հայ բանաստեղծների և գրողների ստեղծագործություններից», - տեղեկացնում է թուրքական լրատվամիջոցը:

Աղբյուր` Ermenihaber.am

Այս ենթաբաժնի վերջին նորությունները

18:05, 20 նոյ

Կարսի մարզպետարանը բարեկարգում է Անիի ավերակներ տանող ճանապարհը

հայոց միջնադարյան մայրաքաղաքը շարունակում է մեծ ուշադրության արժանանալ տեղացի ու օտարերկրյա զբոսաշրջիկների կողմից։

14:22, 18 նոյ

Թուրքական թատերական խմբակը Երևանում հանդես եկավ սարոյանական ներկայացմամբ (Տեսանյութ)

Թատերական խմբակի ղեկավար Էրթյուրք Էրքեքը ներկայացման վերջում պատասխանել է հանդիսատեսի հարցերին։

10:15, 07 նոյ

Ղրղզստանի մայրաքաղաքում թուրքական մշակույթի կենտրոն է բացվել

«Մենք այստեղ ենք՝ ներկայացնելու մեր լեզուն, մշակույթը և կիսելու մեր ընդհանուր ժառանգությունը»,-ասվել է Յունուս Էմրեի անվան համալսարանի սոցցանցյան գրառման մեջ։