Տարածաշրջան09:42, 25 Ապրիլ 2015
Թուրքիայի ԱԳՆ-ն դատապարտող հայտարարություններ է տարածել Օբամայի, Գաուկի և Օլանդի հասցեին
Թուրքիայի արտաքին գործերի նախարարությունը Հայոց ցեղասպանության 100-րդ տարելիցի կապացկությամբ շարունակում դատապարտող հայտարարություններ տարածել տարբեր երկրների հասցեին:
Նախօրեին Ռուսաստանի նախագահ Վլադիմիր Պուտինին հասցեագրված քննադատությունից հետո, Թուրքիայի արտաքին գործերի նախարարությունը գրավոր հայտարարություն է տարածել, որտեղ խստորեն դատապարտում է ԱՄՆ-ի, Գերմանիայի և Ֆրանսիայի նախագահներին: Սպիտակ տան ղեկավարին ուղղված գրավոր հայտարարությունում մասնավորապես նշվում է.
«Ցավով արձանագրեցինք, որ թուրքերի և հայերի համատեղ պատամության ցավալի հատվածի վերաբերյալ ԱՄՆ-ի նախագահ Բարաք Օբամայի 2015թ. ապրիլի 23-ի հղած ուղերձը բավականին հեռու էր արդար հիշողությանից»:
Նաև նշվում է, որ այդ տեսակ հայտարարությունները մերժում են և ստվեր գցում անցյալում տեղի ունեցած վշտերի վրա: Թուրքիայի ԱԳՆ-ի հայտարարության մեջ կարևորվում 2014թ. ապրիլի 23-ին այն ժամանակվա վարչապետ Ռեջեփ Թաիփ Էրդողանի հղած ցավակցական ուղերձը, ինչպես նաև ընթացիկ տարվա ապրիլի 20-ին ներկայիս վարչապետ Դավութօղլուի` օսմանյան հայերի վերաբերյալ արած հայտարարությունը:
Անդրադառնալով Գերմանիայի նախագահ Յոհակիմ Գաուկի Բեռլինի մայր տաճառում ունեցած ելույթին, որի ժամանակ Գաուկը 1915-ին հայերի կոտորածը որակել էր ցեղասպանություն էր, Թուրքիայի ԱԳՆ-ն նշել է.
«Նախագահ Գաուկը չունի իրավունք հակապատմական ու հակաիրավական կերպով թուրք ազգին հանցանք վերագրելով զրպարտություն անել: Գերմանիայի նախագահը իրավունք չուներ մեզ վերագրել մի հանցանք, որը մենք չենք գործել: Թուրք ժողովուրդը Գերմանիայի նախագահի արտահայտությունները չի մոռանալու և չի ներելու»:
Հայտարարությունում ընգծվում է նաև, որ առաջիկա օրերին Գերմանիայի Բունդեսթագում ցեղասպանության մասին օրինագծի ընդունման դեպքում, թուրք-գերմանական հարաբերություններ շատ երկար ժամանակով լուրջ վնասներ են կրելու:
Իսկ Ֆրանսիայի նախագահ Ֆրանսուա Օլանդին ուղղված քննադատության մեջ Թուրքիայի արտաքին քաղաքական գերատեսչությունը ափսոսանք է հայտնում, որ հակառակ իրենց սպասումների, Օլանդը երևանյան արարողության ժամանակ խտրականություն է դրել Օսմանյան կայսրության փլուզման ժամանակաշրջանում ցավ ապրած ժողովուրդների միջև, ու մեղադրանքներ հնչեցրել թուրքական հասարակության հասցեին:
«Մինչդեռ եթե տարբեր էթնիկ և կրոնական պատկանելիության ներկայացուցիչների կրած ցավերի միջև խտրականություն չդնող մոտեցում դրսևորվեր, ապա դա կողջունվեր ու դրական արձագանք կստանար նաև Ֆրանսիայում բնակվող 600 հազար թուրքերի կողմից: Բայց ցավոք մեկ անգամ ևս խտրական մոտեցում ցուցաբերելը նախընտրեց: Ֆրանսիայի այս անիրավ ու կողմնակալ պահվածքը Թուրքիայի կողմից մերժելի և դատապարտելի է»:
Այս ենթաբաժնի վերջին նորությունները
Ֆիդան․«Ինչպես «Իսլամական պետություն» ահաբեկչական կազմակերպությունը (ԻՊ) դուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության և հանգստության մեջ, կա՛մ այլ կերպ»
«AFAD»-ի հայտարարության համաձայն՝ հետցնցումները կանխատեսվել է, որ կմեղմանան և կավարտվեն առաջիկա մի քանի շաբաթների ընթացքում։
Թուրքիայի տրանսպորտի և ենթակառուցվածքների նախարարը Դամասկոսում հանդիպել է Սիրիայի տրանսպորտի նախարարի հետ։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այս ցուցանիշով Թուրքիան աշխարհի երկրների ցանկում զբաղեցրել է 17-րդ հորիզոնականը։
«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։
Նշվում է, որ հանդիպմանը քննարկվել է Գազայում հումանիտար իրավիճակը և հրադադարի շուրջ բանակցություններում առկա վերջին զարգացումները։
Ֆիդան․«Ինչպես «Իսլամական պետություն» ահաբեկչական կազմակերպությունը (ԻՊ) դուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության և հանգստության մեջ, կա՛մ այլ կերպ»
«Ես քաղաքական հավակնություններ չունեմ: Ինձ հաճախ են հարցնում այս մասին, բայց ես կցանկանայի մնալ ոչ կառավարական հատվածում»։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |