Թուրքական հիմնադրամը պատրաստվում է դատի տալ Հայաստանին

Իրավական10:20, 27 Ապրիլ 2015

Թուրքական հիմնադրամը պատրաստվում է դատի տալ Հայաստանին

Թուրքական «Իզմիր-Էրզրում մշակույթի և համերաշխության հիմնադրամը»-ը ցանկանում է դատական հայց ներկայացնել Հայաստանի Հանրապետության դեմ: Հիմնադրամի տնօրեն Ջոշքուն Ըշըքը հայտարարել է, որ դատական գործընթացն են սկսելու` պարզելու համար, թե հայերից ու թուրքերից ովքեր են ջարդարարներ եղել ու ովքեր` կոտորվածներ: Ըշըքըս պնդել է, որ իրենց նպատակն է պարզաբանող դատական գործընթացով ցույց տալ, որ «իրականում հայերն են կոտորել թուրքերին»:

Հիմնադրամի տնօրենը նշել է, որ 100 տարի այս ոլորտում իրավական գործընթաց չի եղել և իրենք ցանկանում են տալ դրա մեկնարկը: Ըշըքը հայտնել է, որ Թուրքիան բազմիցս հայտարարել է իր արխիվների բաց լինելու մասին: Ու իրենց պահանջը լինելու է ոչ միայն Հայաստանի, այլ նաև Ռուսաստանի, Անգլիայի ու Ամերիկայի արխիվների բացումը:

Ըշըքը, ով կոնկրետ չի նշել, թե որ դատական ատյանում են ներկայացնելու Հայաստանի դեմ իրենց հայցը, թվարկել է, այն պահանջները, որոնք լինելու են հայցի մեջ.

«Պահանջել փաստաթղթեր ԱՄՆ-ից, որտեղ գտնվում են Դաշնակցական և Հնչակյան կուսակցությունների արխիվները: Բացի դրանից ԱՄՆ-ից պահանջել ԱՄՆ-ի դեսպանների և հյուպատոսների զեկույցները: Ֆրանսիայից, Ռուսաստանից ու Միացյալ թագավորությունից պահանջել արխիվային փաստաթղթերը»,- տեղեկացնում է թուրքական «Posta» պարբերականը:

Նշվում է նաև, որ մայիսին սպասվող դատական գործընթացը սկսելու համար անհրաժեշտ ուսումնասիրությունների վրա աշխատում է160 իրավաբան:

Աղբյուր` Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։