Քաղաքական08:13, 08 Մայիս 2015
Էրդողանը սխալ քայլ է համարել նախկին նախագահ Գյուլի երևանյան այցը
Թուրքիայի նախագահ Ռեջեփ Թայիփ Էրդողանը նախագահական նստավայրում 19 պատմաբանների ու ակադեմիկոսների հետ նախօրեին քննարկել է Առաջին համաշխարհային պատերազմի 100-ամյակի, Հայոց ցեղասպանության, ինչպես նաև հայ-թուրքական հարաբերությունների վերաբերյալ մի շարք հարցեր:
Թուրքական «Aksam» պարբերականի հաղորդմամբ` Էրդողանը, անդրադառնալով ապրիլի 24-ին Ռուսաստանի Դաշնության նախագահ Վլադիմի Պուտինի Հայաստան կատարած այցին, ասել է. «Պուտինի հետ հեռոխոսազրույց ունեցա: Նրան ասացի, որ վշտացած եմ: Ընդգծեցի նաև, որ մեր հարաբերություններին վնաս է հասցվել և դրանք հնարավոր է վերանայվեն»:
Ըստ Էրդողանի պարզաբանման` քանի որ Պուտինն ապրիլի 24-ին գերադասել էր մեկնել Հայաստան, այդ իսկ պատճառով ինքն էլ չի մասնակցելու մայիսի 9-ին Մոսկվայում կայանալիք Մեծ հայրենականում տարած հաղթանակի 70-ամյակի միջոցառումներին: Փոխարենը Թուրքիան մոսկովյան տոնակատարություններին ներկայացված է կլինի Ռուսաստանում Թուրքիայի արտակարգ և լիազոր դեսպանի մակարդակով:
Էրդողանը նաև հիշեցրել է հայ-թուրքական հարաբերությունների կարգավորմանը միտված ֆուտբոլային դիվանագիտության մասին: Դժգոհել է, որ իբր Անկարայի կողմից արված քայլերը, մեկնված բարեկամության ձեռքը փոխադարձություն չի ստացել հայկական կողմից: Եվ դեռ մի բան էլ Երևանը կոշտ ձևակերպումներով է սկսել արտահայտվել Թուրքիայի հասցեին:
Երեքուկես ժամ տևած հիշյալ քննարկումից հետո ժողովի մասնակիցներից պատմաբան Մուստաֆա Արմաղանը, ըստ «Milliyet»-ի, զրուցել է լրագրողների հետ և հայտնել որոշակի մանրամասնություններ: Արմաղանը մասնավորապես տեղեկացրել է, որ Հայաստան-Թուրքիա ֆուտբոլային հանդիպումը դիտելու համար Երևան մեկնած այն ժամանակվա Թուրքիայի նախագահ Աբդուլլահ Գյուլի արարքը Էրդողանը սխալ քայլ է համարել: Իսկ ռուս-թուրքական հարաբերությունների վերջին լարվածության կապակցությամբ, ըստ Արմաղանի, Էրդողանը նշել է, որ եթե կարիք լինի Մոկսվայից էլ հետ կկանչեն իրենց դեսպանին, կվերանայեն դիվանագիտական հարաբերությունների մակարդակը:
Այս ենթաբաժնի վերջին նորությունները
Գյուրբյուզ Չափանը անդրադարձել է հայ-թուրքական կարգավորման գործընթացին, պատմել Տեր-Պետրոսյանի հետ հանդիպման, Գորշ գայլերի առաջնորդի կողմից աջակցություն ստանալու և ցեղասպան հորեղբոր մասին։
Համաձայնագրերի ստորագրման արարողությունը կայացել է նախագահական պալատում։
Այցը ծրագրվում է 2025-ին։ Այն իրականացվելու է քրիստոնեական եկեղեցու առաջին տիեզերական ժողովի 1700-ամյակը նշելու համար։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Գյուրբյուզ Չափանը անդրադարձել է հայ-թուրքական կարգավորման գործընթացին, պատմել Տեր-Պետրոսյանի հետ հանդիպման, Գորշ գայլերի առաջնորդի կողմից աջակցություն ստանալու և ցեղասպան հորեղբոր մասին։
Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
«Մենք այնտեղ (ԱՄՆ-ում) 6 հատ F-35 ինքնաթիռ ունենք։ Հիմա, երբ տեսան, որ մենք «Kaan» ենք ստեղծում, նրանց վերաբերմունքը փոխվել է»,-նշել էր Յաշար Գյուլերը։
Նախարար Գյուլերը նշել է, որ S-400-ը կօգտագործվի միայն այն դեպքում, երբ օդային հարձակման սպառնալիքը հասնի շատ բարձր մակարդակի։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |