Քաղաքական09:42, 12 Մայիս 2015
Թուրք ընդդիմադիր առաջնորդը. «Մեր քաղաքական պատմությունը նման անբարոյականություն չէր տեսել»
Թուրքիայի գլխավոր ընդդիմադիր կուսակցությունը` քեմալական գաղափարախոսության կրող «Ժողովրդահանրապետական կուսակցության» (ԺՀԿ – CHP) նախագահ Քեմալ Քըլըչդարօղլուն խստորեն քննադատել է նախագահ Ռեջեփ Թայիփ Էրդողանի նախընտրական գործունեությունը:
Ըստ թուրքական «Radikal» պարբերականի թղթակից Սերքան Դեմիրթաշի՝ Քըլըչդարօղլուն «թուրքական քաղաքական պատմության ամենամեծ անբարոյականությունն» է համարել այն իրողությունը, որ Էրդողանը, «հրապարակ-հրապարակ» շրջելով, քվե է խնդրում իշխող «Արդարություն և զարգացում» կուսակցության (ԱԶԿ – AKP) օգտին:
«Մեր քաղաքական պատմությունը նման անբարոյականություն չէր տեսել: Եվ չի եղել այնպիսի շրջան, որ պատվի և արժանապատվության գաղափարները այսչափ էժանացված լինեն»,- նկատել է ընդդիմադիր կուսակցապետը:
Քըլըչդարօղլուն մեղադրել է Էրդողանին՝ «թուրք հասարակության մեջ պատվի և արժանապատվության գաղափարների ոչնչացման համար»: Դժգոհություն է հայտնել, որ ԱԶԿ-ն քաղաքական պայքարի գործիք է դարձնում կրոնը: Մասնավորապես, պատասխանելով այն մեղադրանքներին, թե ԺՀԿ պատրաստվում է փակել կրոնական գործերի նախարարությունը և Թուրքիայում արգելել գլխաշորերը, Քըլըչդարօղլուն նշել է, որ այդ ամենը հերյուրանք է ԺՀԿ-ի հասցեին, և վերջինս մտադիր չէ միջամտելու քաղաքացիների կրոնական կամ այլ նախընտրություններին, ընդհակառակը, պատրաստ է աջակցելու ցանկացած կրոնի ներկայացուցիչի՝ իր կրոնին համապատասխան կենսակերպ վարելու հնարավորություն ունենալու հարցում:
ԺՀԿ առաջնորդը նաև հայտարարել է, որ Թուրքիայում մի շարք լուրջ խնդիրներ կան, որոնց լուծում տալու համար անհրաժեշտ է, որ ԺՀԿ-ն միայնակ լինի իշխանության ղեկին:
«Թուրքիայում անկախ իրավական դաշտ չկա, համալսարանները բարեփոխումների կարիք ունեն, 17 մլն աղքատ կա և այդ աղքատությունը հաղթահարելու խնդիր ունենք: Այս բոլոր խնդիրների կարգավորման համար անհրաժեշտ է, որ ԺՀԿ-ն միայնակ իշխանության գա»:
Այս ենթաբաժնի վերջին նորությունները
Գյուրբյուզ Չափանը անդրադարձել է հայ-թուրքական կարգավորման գործընթացին, պատմել Տեր-Պետրոսյանի հետ հանդիպման, Գորշ գայլերի առաջնորդի կողմից աջակցություն ստանալու և ցեղասպան հորեղբոր մասին։
Համաձայնագրերի ստորագրման արարողությունը կայացել է նախագահական պալատում։
Այցը ծրագրվում է 2025-ին։ Այն իրականացվելու է քրիստոնեական եկեղեցու առաջին տիեզերական ժողովի 1700-ամյակը նշելու համար։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Գյուրբյուզ Չափանը անդրադարձել է հայ-թուրքական կարգավորման գործընթացին, պատմել Տեր-Պետրոսյանի հետ հանդիպման, Գորշ գայլերի առաջնորդի կողմից աջակցություն ստանալու և ցեղասպան հորեղբոր մասին։
Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
«Մենք այնտեղ (ԱՄՆ-ում) 6 հատ F-35 ինքնաթիռ ունենք։ Հիմա, երբ տեսան, որ մենք «Kaan» ենք ստեղծում, նրանց վերաբերմունքը փոխվել է»,-նշել էր Յաշար Գյուլերը։
Նախարար Գյուլերը նշել է, որ S-400-ը կօգտագործվի միայն այն դեպքում, երբ օդային հարձակման սպառնալիքը հասնի շատ բարձր մակարդակի։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |