Քաղաքական13:25, 14 Մայիս 2015
Թուրքիայում պատգամավորի հայ թեկնածու. Ես «կեցցե փադիշահը» ասող հայերից չեմ
Թուրքական ընդդիմադիր «Ժողովուրդների դեմոկրատական կուսակցության» (ԺԴԿ – HDP) կողմից պատգամավորի թեկնածու առաջադրված հայազգի Գարո Պայլանը հարցազրույց է տվել թուրքական «ozgur-gundem.com» լրատվակայքին:
Նա մասնավորապես կարծիք է հայտնել, որ ԺԴԿ-ն հավասարության սկզբունքով է վերաբերվում Թուրքիայի բոլոր քաղաքացիներին՝ անկախ ազգային պատկանելիությունից: Եվ Թուրքիայի քաղաքացի հայ ընտրողներn իր օգտին քվեարկելու դեպքում ոչ թե անձամբ Գարո Պայլանի կամ իր հայ լինելու համար են քվեարկելու, այլ այն բանի համար, որ նա հավասարության սկզբունքով առաջնորդվող ԺԴԿ-ի կողմից առաջադրված թեկնածու է:
«Եթե ես «կեցցե փադիշահը» ասող հայերից լինեի, հիմա «Արդարություն և զարգացում» կուսակցության (ԱԶԿ-AKP) անդամ կլինեի: «Ժողովրդահանրապետական կուսակցության» (ԺՀԿ –CHP) թեկնածու հայը իմ չափ հաջողակ չէ, քանի որ չի կարող ազատ խոսել Հայոց ցեղասպանության մասին: ԱԶԿ-ի և ԺՀԿ –ի թեկնածուներից ես առավել հաջողակ եմ: Ես կարողանում եմ ազատորեն խոսել անցյալի հետ առերեսման թեմայի մասին և այս առումով հպարտանում եմ իմ կուսակցությամբ»:
Պայլանը ընդգծել է նաև, որ ազգայնամոլություն, ռասիզմ ու կրոնական խտրականություն կիրառելը շատ ավելի հեշտ է, քան խաղաղություն կառուցելը:
«Էրդողանը կրկին չարիք է տարածում: Գուցե դրա հետևանքով մեկ –երկու ավել քվե կստանա, բայց ենթարկվում է Թուրքիան կորցնելու վտանգին: Եթե ԺՀԿ-ն չլինի, այսօր Թուրքիան կարող է պայթյունավտանգ վայրի վերածվել»:
Անդրադառնալով Ստամբուլի Թուզլայի շրջանում ապամոնտաժման վտանգի տակ հայտնված հայկական որբանոցի «Քամփ Արմեն» ամառային ճամբարին` Պայլանը նշել է, որ ոչնչացման այդ փորձն իրականում ցեղասպանության շարունակությունն է:
«Էրդողանը միշտ առաջարկում է այս խնդիրը պատմաբաններին թողնել: Ուրեմն եկեք հենց այս պահից սկսենք ու հետ գնանք: Եկեք սկսենք Թուզլայից: Դա մեր բռնագրավված գույքն է, նախ այն հետ վերադարձրեք: Հետո վերականգնենք արդարությունը քրդական Ռոբոսկի գյուղի գործով, հետո ավելի հետ գնալով՝ Սիվասին (Սեբաստիա) հասնենք, հետո՝ ունեցվածքի հարկին: Էսպես՝ մինչև ցեղասպասնություն: Եթե չենք կարողանում սկզբից սկսելով գալ մինչև այսօր, ուրեմն՝ սկսենք այսօրվանից», - ասել է Թուրքիայի խորհրդարանի պատգամավորի հայ թեկանծուն:
Այս ենթաբաժնի վերջին նորությունները
Գյուրբյուզ Չափանը անդրադարձել է հայ-թուրքական կարգավորման գործընթացին, պատմել Տեր-Պետրոսյանի հետ հանդիպման, Գորշ գայլերի առաջնորդի կողմից աջակցություն ստանալու և ցեղասպան հորեղբոր մասին։
Համաձայնագրերի ստորագրման արարողությունը կայացել է նախագահական պալատում։
Այցը ծրագրվում է 2025-ին։ Այն իրականացվելու է քրիստոնեական եկեղեցու առաջին տիեզերական ժողովի 1700-ամյակը նշելու համար։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Գյուրբյուզ Չափանը անդրադարձել է հայ-թուրքական կարգավորման գործընթացին, պատմել Տեր-Պետրոսյանի հետ հանդիպման, Գորշ գայլերի առաջնորդի կողմից աջակցություն ստանալու և ցեղասպան հորեղբոր մասին։
Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
«Մենք այնտեղ (ԱՄՆ-ում) 6 հատ F-35 ինքնաթիռ ունենք։ Հիմա, երբ տեսան, որ մենք «Kaan» ենք ստեղծում, նրանց վերաբերմունքը փոխվել է»,-նշել էր Յաշար Գյուլերը։
Նախարար Գյուլերը նշել է, որ S-400-ը կօգտագործվի միայն այն դեպքում, երբ օդային հարձակման սպառնալիքը հասնի շատ բարձր մակարդակի։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |