Ստամբուլի Մխիթարյան վարժարանը վարձակալում է իր իսկ գնած շենքը

Իրավական08:20, 18 Մայիս 2015

Ստամբուլի Մխիթարյան վարժարանը վարձակալում է իր իսկ գնած շենքը

Ստամբուլի Բոմոնտի շրջանում գտնվող Մխիթարյան վարժարանը վերջերս բուռն քննարկումների առիթ դարձած հայկական մանկատան «Արմեն» ճամբարի պես պայքարում է Թուրքական կառավարության դեմ՝ իր իրավունքների համար:

Ինչպես հաղորդում է Թուրիքիայի հայկական «Ակոս» պարբերականը, դպրոցը հարկադրված է վարձակալել իր իսկ գնած շենք: 1998թ. ձմռանը թուրքական դատարանի որոշման համաձայն դպրոցի սաները ստիպված են եղել ազատել շենքը և դասերը շարունակել են դպրոցի բակում: 2012թ նոյեմբերին ընդունված մեկ այլ դատական որոշման համաձայն` վճռվել է կառույցը վերադարձնել Սուրբ Ղազար հայկական կաթոլիկ Մխիթարյան վարժարանի և վանական համալիրի հիմնադրամին: Սակայն շատ չանցած` որպես ժառանգ հանդես եկող Այաշի քաղաքապետարանը բողոքարկել է այդ վճիռը և հասել նրան, որ վարժարանի վերադարձի վճիռը չեղյալ համարվի:

Վարժարանը պատրաստվում է կրկին դիմել դատարան՝ իր իրավունքների վերականգնման պահանջով: Մխիթարյան հիմնադրամի փաստաբանն այն կարծիքին է, որ թե Մխիթարյան վարժարանի, թե Արմեն ճամբարի դեպքում առաջացած դժվարությունների համար պատասխանատուն Թուրքիայի կառավարությունն է:

«Այստեղ միակ տարբերությունն այն է, որ Բոմոնտիի վարժարանը տարբեր տերեր չի ունեցել, մինչդեռ Արմեն ճամբարը ութ տարբեր սեփականատեր է ունեցել: Այս առումով վարժարանի առգրավման դիմաց կարելի էր շատ հեշտ ու արագ փոխհատուցել, սակայն այդ խնդիրը ոչ մի կերպ չի լուծվում: Ընդ որում, դպրոցը շարունակում է իր գործունեությունը շենքում»,- տեղեկացրել է հիմնադրամի փաստաբանը:

Աղբյուր` Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։