Թուրքիայի «Ժողովուրդների դեմոկրատական կոնգրես». «Քամփ Արմենը Հրանտ Դինքն է ի պահ տվել բոլորիս»

Իրավական10:17, 21 Մայիս 2015

Թուրքիայի «Ժողովուրդների դեմոկրատական կոնգրես». «Քամփ Արմենը Հրանտ Դինքն է ի պահ տվել բոլորիս»

Թուրքիայի «Ժողովուրդների դեմոկրատական կոնգրեսը», որն իր մեջ ներառում է մոտ 20 կուսակցություն ու քաղաքացիական նախաձեռնություն, Ստամբուլի Թուզլա շրջանում գտնվող «Քամփ Արմեն» հայ մանուկների ճամբարը քանդելու դեմ հայտարարությամբ է հանդես եկել:

Ըստ թուրքական «T 24» լրատվական կայքի` հրապարակված գրավոր հայտարարության մեջ նշվում է, որ «Քամփ Արմենը» օր առաջ պետք է վերադարձվի հայ ժողովրդին:

Հայտարարության մեջ հիշեցվում է, որ ճամբար-որբանոցի տարածքը 1962 թվականին գնվել է հայկական բողոքական եկեղեցու կողմից, իսկ ճամբարը կառուցվել է Հայոց ցեղասպանությունից փրկված հայերի ջանքերով և որ ոչ ոքի մտքով չպետք է անցնի շարունակել ճամբարի քանդումը:

««Քամփ Արմեն»-ը պաշտպանողների` Հիմնադրամների գլխավոր վարչության ու Ստամբուլի քաղաքապետի հետ երկխոսությունն այլևս չպետք է երկարաձգվի: Ճամբարը առանց մեկ օր անգամ ուշացնելու պետք է վերադարձնել հայ ժողովրդին: Չմոռանանք, որ «Քամփ Արմենը» Հրանտ Դինքն է ի պահ տվել բոլորիս: Հրանտ Դինքի ի պահ տված ճամբարը պաշտպանելու համար բոլորս էլ անելիք ունենք»,- ասված է հայտարարության մեջ:

Հայտարարությունը ստորագրված է «Ժողովուրդների դեմոկրատական կոնգրեսը»-ի գործադիր խորհրդի անունով:

Նշենք, որ «Քամփ Արմեն» ճամբարը հայ համայնքին պատկանած և Թուրքիայի իշխանությունների կողմից բռնագրավված գույքերի շարքում ամենախորհրդանշականներից ու ամենակարևորներից է: Այստեղ 1915-ից հետո, երբ Անատոլիայում որևէ հայկական դպրոց չէր մնացել, 1500 ավելի հայ որբեր են ապրել ու հայերեն սովորել: Նրանց թվում են եղել Հրանտ Դինքը և նրա կին Ռաքել Դինքը:

Աղբյուր` Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։