Hurriyet թերթը 7.500 դոլար կվճարի Էրդողանին վիրավորելու համար

Իրավական10:23, 22 Մայիս 2015

Hurriyet թերթը 7.500 դոլար կվճարի Էրդողանին վիրավորելու համար

Թուրքիայի նախագահ Ռեջեփ Թայիփ Էրդողանը թուրքական «Hürriyet» պարբերականը ներկայացնող «Hurriyet. լրագրություն և տպագրություն» ՍՊԸ –ի գործադիր խորհրդի նախագահ Վուսլաթ Դողան Սաբանջըի և պարբերականի թղթակից Մեհմեթ Յըլմազի դեմ բացաց դատական հայցի արդյունքում 20.000 թուրքական լիրայի (շուրջ 7.500 դոլար) բարոյական վնասի փոխհատուցում է շահել:

Էրդողանի փաստաբանի կողմից ներկայացված հայցում 2014թ. օգոստոսի 25-ին «Hurriyet» թերթում հրապարակված հոդվածում Էրդողանի «իրավունքների նկատմամբ ոտնձգության» մեղադրանքով վերոհիշյալ կազմակերպությունից պահանջվում էր 100.000 թուրքական լիրա (շուրջ 38.000 դոլար)` որպես բարոյական վնասի փոխհատուցում:

Էրդողանի փաստաբանը նշել է, թե հայցի պատճառն այն է, որ պարբերականի հրապարակած նյութը դուրս է եկել պարզապես մամուլի ազատության սկզբունքի սահմաններից և վիրավորանք պարունակել Էրդողանի հասցեին, ինչի հիման վրա էլ խնդրել է ընդունել հայցը և փոխհատուցում նշանակել:

Անկարայի առաջին ատյանի դատավոր Սելմա Դուրդուն մասամբ ընդունել է հայցը և նշանակել 20.000 լիրայի փոխհատուցում:

Աղբյուր` Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։