«Քամփ Արմեն»-ը հայերին վերադարձնելու պահանջով բազմամարդ քայլերթ Ստամբուլում

Իրավական07:27, 23 Մայիս 2015

«Քամփ Արմեն»-ը հայերին վերադարձնելու պահանջով բազմամարդ քայլերթ Ստամբուլում

Ստամբուլի Թուզլայի շրջանում գտնվող հայկական մանկատան` «Քամփ Արմեն» անունով հայտնի ամառային ճամբարի ապամոնտաժման դեմ հերթապահութուն իրականացնող «Քամփ Արմեն համերաշխության» խմբի նախաձեռնությամբ մայիսի 22-ի երեկոյան ճամբարը հայ ժողովրդին վերադարձնելու պահանջով քայլերթ է կազմակերպվել Ստամբուլում:

Ըստ թուրքական «imctv» հեռուստաալիքի կայքի` Ստամբուլի հայտնի Թաքսիմ հրապարակից մինչև Գալաթասարայի վարժարան շարունակված բազմամարդ երթին մասնակցել են նաև Թուրքիայի քրդամետ «Ժողովուրդների դեմոկրատական» կուսակցությունից (ԺԴԿ-HDP) պատգամավորության հայ թեկնածուներ Մուրաթ Մըհչըն ու Գարո Պայլանը, ինչպես նաև նույն կուսակցությունից առաջադրված Դենիզ Զարաքոլուն ու Ֆլոր Ուլուք Բենլին:

Երթի վերջում արդեն 17 օր ճամբարում հերթապահություն իրականացնող «Քամփ Արմեն համերաշխության» խմբի անունից մամուլի համար հայտարարություն է արվել: Հայտարարության մեջ «Քամփ Արմեն»-ի բռնագրավումը բնութագրվել է որպես ցեղասպան քաղաքականության շարունակություն: Ինչպես նաև նշվում է, որ ճամբարը ավելին է, քան ուղղակի հայ ժողովրդից բռնագրավված հերթական գույքերից մեկը, այն բոլորին ի պահ է տվել Հրանտ Դինքը:

Նշենք, որ «Քամփ Արմեն» ճամբարը հայ համայնքին պատկանած և Թուրքիայի իշխանությունների կողմից բռնագրավված գույքերի շարքում ամենախորհրդանշականներից ու ամենակարևորներից է: Այստեղ Հայոց ցեղասպանությունիս հետո, երբ Անատոլիայում որևէ հայկական դպրոց չէր մնացել, 1500 ավելի որբ ու չքավոր հայ երեխաներ են ապրել ու հայերեն սովորել: Նրանց թվում են եղել Հրանտ Դինքը և նրա կին Ռաքել Դինքը:

Ճամբար-որբանոցի տարածքը 1962 թվականին գնվել է հայկական բողոքական եկեղեցու կողմից, իսկ ճամբարը կառուցվել է Հայոց ցեղասպանությունից փրկված հայերի ջանքերով:

Աղբյուր` Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։