Տարածաշրջան14:13, 04 Հունիս 2015
Պատգամավորի հայ թեկնածուն Էրդողանին համեմատել է Մեհմեդ Ֆաթիհ սուլթանի հետ
Թուրքիայի իշխող «Արդարություն և զարգացում» կուսակցության (ԱԶԿ – AKP) կողմից որպես պատգամավորի թեկանածու առաջադրված հայազգի Մարգար Եսայանը հայտարարել է, որ հունիսի 7-ին կայանալիք խորհրդարանական ընտրություններին պայքար է մղվելու Նոր Թուրքիայի համար և այդ պայքարում իրենց առաջնորդին մենակ թողնելը դավաճանություն կլիներ սեփական անձի, պատմության, իրենց կորցրած պապերի և նահատակների հանդեպ:
Ըստ Եսայանի՝ Էրդողանը արել է այն, ինչ ժամանակին արել է Ֆաթիհ սուլթանը 1453 թվականին: Թուրքական «Yenişafak» պարբերականում հրապարակված իր հոդվածում Եսայանը մասնավորապես գրում է. «Մեհմեդ Ֆաթիհ սուլթանը, որն իր կայսրությունը կառուցեց քրիստոնեական ավանդույթներից հեռացած Բյուզանդիայի հիմքի վրա, ցանկացած կրոնական խմբավորման պատկանող, մուսուլման կամ ոչ մուսուլման իր բոլոր հպատակների հանդեպ ժամանակի ամենաժողովրդավարական մոտեցումն էր ցուցաբերում: Բուրսայի հայ հոգևոր առաջնորդ Հովակիմին Ստամբուլ բերողը, Ստամբուլի հայ պատրիարքարանը հիմնողը դարձյալ Մեհմեդ Ֆաթիհ սուլթանն էր»:
Եսայանի դիտարկմամբ՝ Ֆաթիհ սուլթանի ժամանակաշրջանում կայսրության բոլոր ժողովուրդները խաղաղ և արդար պայմաններում են ապրել: Այս իմաստով Էրդողանին համեմատելով Ֆաթիհ սուլթանի հետ՝ ԱԶԿ պատգամավորի թեկնածուն հայտարարել է, թե Էրդողանի և ԱԶԿ-ի նկատմամբ չափից դուրս մեծ անհանդուրժողականություն և քննադատություն է ցուցաբերվում ոչ միայն Թուրքիայում, այլև Թուրքիան և Էրդողանին վերահսկել ցանկացող արևմուտքի կողմից:
«Էրդողանը ներողություն խնդրեց Դերսիմի կոտորածների համար, 1915թ. Մեծ Եղեռնի առթիվ ցավակցական ուղերձ հղեց: Աղքատության դատապարտված հսկա զանգվածներին առաջ քաշեց, նրանց ծառայեց, հարգանք ցուցաբերեց, հարստացրեց, հանուն իր ժողովրդի հոժարակամ տառապեց»,- կարծիք է հայտնում Եսայանը:
Այս ենթաբաժնի վերջին նորությունները
Ֆիդան․«Ինչպես «Իսլամական պետություն» ահաբեկչական կազմակերպությունը (ԻՊ) դուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության և հանգստության մեջ, կա՛մ այլ կերպ»
«AFAD»-ի հայտարարության համաձայն՝ հետցնցումները կանխատեսվել է, որ կմեղմանան և կավարտվեն առաջիկա մի քանի շաբաթների ընթացքում։
Թուրքիայի տրանսպորտի և ենթակառուցվածքների նախարարը Դամասկոսում հանդիպել է Սիրիայի տրանսպորտի նախարարի հետ։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։
Այս ցուցանիշով Թուրքիան աշխարհի երկրների ցանկում զբաղեցրել է 17-րդ հորիզոնականը։
Նշվում է, որ հանդիպմանը քննարկվել է Գազայում հումանիտար իրավիճակը և հրադադարի շուրջ բանակցություններում առկա վերջին զարգացումները։
Ֆիդան․«Ինչպես «Իսլամական պետություն» ահաբեկչական կազմակերպությունը (ԻՊ) դուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության և հանգստության մեջ, կա՛մ այլ կերպ»
«Ես քաղաքական հավակնություններ չունեմ: Ինձ հաճախ են հարցնում այս մասին, բայց ես կցանկանայի մնալ ոչ կառավարական հատվածում»։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |