Քաղաքական12:40, 09 Հունիս 2015
«Էրդողանիզմն ավարտվեց». իրանական մամուլի անդրադարձը Թուրքիայի ընտրություններին
Իրանի «İRNA» պաշտոնական լրատվական գործակալությունը, անդրադառնալով Թուրքիայում հունիսի 7-ին տեղի ունեցած խորհրդարանական ընտրությունների արդյունքներին, գրել է. «Ավարտվեց «Արդարություն և զարգացում կուսակցության» 13-ամյա իշխանությունը»:
Ըստ թուրքական «Sozcu» լրատվական կայքի` «İRNA» գործակալությունը նշել է, որ թուրք ժողովուրդը փաստորեն որևէ կուսակցության թույլ չտվեց միանձնյա կառավարություն ձևավորել: Իրանցիների դիտարկմամբ` Թուրքիայի քաղաքական դաշտում անորոշության շրջան է սկսվել: Գործակալությունը հիշեցրել է, որ նախընտրական շրջանում բացի կուսակցության ղեկավար հանդիսացող Դավութօղլուից երկրի Էրդողանը ևս հանրահավաքներ էր անցկացնում, ինչն արդարացի քննադատությունների տեղիք էր տվել:
«2002-ից սկսած Թուրքիայի անվիճելի առաջնորդը հանդիսացող Էրդողանի աստղը սկսում է մարել»,- նշում է իրանական գործակալությունը:
Իրանի պետական հեռուստաընկերությամբ եթեր է գնացել հետևյալ արտահայտությունը. «Այս արդյունքներից հետո նախագահ Էրդողանը ստիպված կլինի «նախագահական համակարգը» դնել դարակում»:
Իրանական «Fars» լրատվական գործակալությունն էլ «Էրդողանիզմն ավարտվեց» վերնագրով հոդվածում նշում է, որ թուրք ժողովուրդը ոչ ասաց Էրդողանի քաղաքականությանը:
Իրանի առաջատար թերթերից «Shargh»-ը Թուրքիայի մեջլիսի ընտրությունների արդյունքները բնութագրել է որպես Թուրքիայում ժողովրդավարության հաղթանակ և Էրդողանի պարտություն:
Հիշեցնենք, որ հունիսի 7-ին կայացած խորհրդարանական ընտրությունների արդյունքներն իշխող կուսակցությանը զրկեցին միակուսակցական կառավարություն կազմելու հնարավորությունից:
Իշխանական «Արդարություն և զարգացում» կուսակցությունը (ԱԶԿ-AKP) ստացել է 18 մլն 851 հզ 953 ձայն (40.86 տոկոս) և կունենա 258 պատգամավոր:
Գլխավոր ընդդիմադիր «Ժողովրդահանրապետական կուսակցությունը» (ԺՀԿ-CHP) ստացել է 11 մլն 513 հզ 380 ձայն (24.96 տոկոս) և կունենա 132 պատգամավոր:
«Գորշ գայլերի» քաղաքական թևը համարվող «Ազգայնական շարժում կուսակցությունը» (ԱՇԿ-MHP) ստացել է 7 մլն 516 հզ 480 ձայն (16.29 տոկոս) և կունենա 80 պատգամավոր:
Քրդամետ «Ժողովուրդների դեմոկրատական կուսակցությունը» (ԺԴԿ-HDP) ստացել է 6 մլն 051 հզ 650 ձայն (13.12 տոկոս) և կունենա 80 պատգամավոր:
Այս ենթաբաժնի վերջին նորությունները
Գյուրբյուզ Չափանը անդրադարձել է հայ-թուրքական կարգավորման գործընթացին, պատմել Տեր-Պետրոսյանի հետ հանդիպման, Գորշ գայլերի առաջնորդի կողմից աջակցություն ստանալու և ցեղասպան հորեղբոր մասին։
Համաձայնագրերի ստորագրման արարողությունը կայացել է նախագահական պալատում։
Այցը ծրագրվում է 2025-ին։ Այն իրականացվելու է քրիստոնեական եկեղեցու առաջին տիեզերական ժողովի 1700-ամյակը նշելու համար։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
Գյուրբյուզ Չափանը անդրադարձել է հայ-թուրքական կարգավորման գործընթացին, պատմել Տեր-Պետրոսյանի հետ հանդիպման, Գորշ գայլերի առաջնորդի կողմից աջակցություն ստանալու և ցեղասպան հորեղբոր մասին։
«Մենք այնտեղ (ԱՄՆ-ում) 6 հատ F-35 ինքնաթիռ ունենք։ Հիմա, երբ տեսան, որ մենք «Kaan» ենք ստեղծում, նրանց վերաբերմունքը փոխվել է»,-նշել էր Յաշար Գյուլերը։
Նախարար Գյուլերը նշել է, որ S-400-ը կօգտագործվի միայն այն դեպքում, երբ օդային հարձակման սպառնալիքը հասնի շատ բարձր մակարդակի։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |