Տարածաշրջան12:07, 10 Հունիս 2015
Դեմիրթաշը մեղադրել է Էրդողանին Դիարբեքիրի պայթունների հարցում լռություն պահապանելու համար
Թուրքիայի խորհրդարանական ընտրություններում ընտրական 10 տոկոսանոց շեմը հաղթահարած քրդամետ «Ժողովուրդների դեմոկրատական» կուսակցության (HDP-ԺԴԿ) համանախագահ Սելահեթթին Դեմիրթաշը մեկնաբանել է Դիարբեքիրում տեղի ունացած դեպքերը:
Տեղեկացնենք, որ հունիսի 5-ին Դիարբեքիրում ԺԴԿ-ի հանրահավաքի ժամանակ 2 իրարահաջորդ պայթյուն էր տեղի ունեցել, ինչի հետևանքով մահացել էր 3 քաղաքացի: Իսկ նախօրեին էլ սպանվել էին «Գիտության աջակցման և գիտական ուսումնասիրությունների ասոցացիայի» նախագահ Այթաչ Բարանը և 3 ԺԴԿ անդամ:
Ինչպես տեղեկացնում է «CNNTürk» լրատվական կայքը, Դեմիրթաշն այս երկու դեպքերի մեջ կապ է տեսնում:
Դեմիրթաշը Դիարբեքիրի նահանգապետարանից և ոստիկանությունից պահանջել է հայտնել Դիարբեքիրում տեղի ունեցած պայթյունների հեղինակի ինքնությունը: «Պայթյունի հեղինակի բոլոր կապերը հրապարակավ պետք է ներկայացվեն: Ո՞վ է, անունն ի՞նչ է, ումի՞ց է օժանդակություն ստացել, ի՞նչ կազմակերպության հետ է կապված, ո՞ր թույլ օղակի պատճառով է կարողացել հանրահավաքի վայր ռումբ բերել. այս ամենը պետք է հրապարակվի»,- ասել է Դեմիրթաշը:
Նա նաև մեղադրել է Թուրքիայի նախագահ Ռեջեփ Թայիփ Էրդողանին և կառավարությանը, ինչպես նաև իշխանամետ լրատվամիջոցներին: Առաջիններին մեղադրել է լռություն պահպանելու, իսկ երկրորդներին՝ ստորության և ապակողմնորոշող լուրեր տարածելու մեջ:
Դիմելով Էրդողանին և վարչապետ Ահմեթ Դավութօղլուին՝ Դեմիրթաշն ասել է. «Երկրի նախագահը, վարչապետը դեռ դուք եք: Ինչ-որ մարդիկ գործի են անցել, որ երկրում քաղաքացիական պատերազմ բռնկվի, իսկ երկրի նախագահը, վարչապետը չկան, ներքին գործերի նախարարը, կառավարությունը ծպտուն չեն հանում: Տպավորություն է, թե սպասում են երկիրը տակնուվրա լինի, բոլորը կռվեն, ներքին պատերազմ սկսվի, որից հետո հավանաբար կասեն. «Ահա, հասկացեք «Արդարություն և զարգացում» կուսակցության (AKP-ԱԶԿ) արժեքը»: Սակայն մենք դա թույլ չենք տա: Այս երկիրը ԱԶԿ-ի հետ, թե առանց նրա, շարունակելու է իր ընթացքը, ապահովելու է խաղաղությունը, հասնելու է ժողովրդավարության»:
Այս ենթաբաժնի վերջին նորությունները
Բիթլիսում 9 կմ խորության վրա գրանցված երկրաշարժը զգացվել է նաև հարակից նահանգներում և շրջաններում։
Թուրքիան և Հունաստանը ՆԱՏՕ-ին անդամակցել են 1952 թվականին։
Թուրք պաշտոնյան նաև խոսել է Գազայում, Ուկրաինայում և այլ հակամարտային գոտիներում տիրող իրավիճակից:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
Գյուրբյուզ Չափանը անդրադարձել է հայ-թուրքական կարգավորման գործընթացին, պատմել Տեր-Պետրոսյանի հետ հանդիպման, Գորշ գայլերի առաջնորդի կողմից աջակցություն ստանալու և ցեղասպան հորեղբոր մասին։
«Մենք այնտեղ (ԱՄՆ-ում) 6 հատ F-35 ինքնաթիռ ունենք։ Հիմա, երբ տեսան, որ մենք «Kaan» ենք ստեղծում, նրանց վերաբերմունքը փոխվել է»,-նշել էր Յաշար Գյուլերը։
Նախարար Գյուլերը նշել է, որ S-400-ը կօգտագործվի միայն այն դեպքում, երբ օդային հարձակման սպառնալիքը հասնի շատ բարձր մակարդակի։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |