Ստամբուլի քաղաքային խորհրդի օրակարգում հայտնվել է ադրբեջանցի գործարար Ռեզա Զարրաբը

Իրավական13:40, 10 Հունիս 2015

Ստամբուլի քաղաքային խորհրդի օրակարգում հայտնվել է ադրբեջանցի գործարար Ռեզա Զարրաբը

Ստամբուլի քաղաքային խորհրդի՝ հետընտրականի շրջանի առաջին նիստում քննարկվել է «2013թ. դեկտեմբերի 17-ի հետաքննությամբ» անցած ադրբեջանցի գործարար Ռեզա Զարրաբին պատկանող պատմական նշանակության առանձնատներում ապօրինի վերակառուցումների հարցը:

Նշենք, որ հիշյալ քրգործի շրջանակներում մի շարք հայտնի թուրք բարձրաստիճան պաշտոնյաներ մեղադրվել էին պաշտոնական դիրքի չարաշահման և կաշառքներ վերցնելու մեջ:

Թուրքական «Hürriyet» պարբերականի տեղեկացմամբ՝ որպես թուրք պատգամավոր Մեհմեթ Արիֆի առանձնատներ հայտնի օսմանյան շրջանի վերոհիշյալ շինությունները 1970թ. Թուրքիայի մշակույթի և զբոսաշրջության նախարարության կողմից գրանցվել են որպես «երկրորդ աստիճանի մշակութային արժեքներ»:

Ստամբուլի Քանլըջա շրջանում գտնվող կառույցները 2011թ. գնվել են Զարրաբի կողմից՝ իր կնոջ՝ թուրք դերասանուհի և երգչուհի Էբրու Գյունդեշի համար: Եվ ինչպես նշվում է ընդդիմադիր «Ժողովրդահանրապետական կուսակցության» (ԺՀԿ- CHP) կողմից ներկայացված միջնորդագրում՝ առանձնատների տարածքում մի շարք ապօրինի փլուզումներ և վերակառուցումներ են կատարվել:

ԺԴԿ-ի ներկայացուցիչ պատգամավորները վրդովված են և պահանջում են քաղաքապետարանից պատասխանել ապօրինի շինարարական աշխատանքների հետ կապված իրենց ներկայացրած հարցերին, ինչպես նաև՝ համապատասխան քայլեր ձեռնարկել:

Նշենք, որ Թուրքիայի «մշակութային և բնական ժառանգության պահպանման մասին օրենքի» շրջանակներում պատմական կառույցների տարածքում ապօրինի շինարարական աշխատանքների համար սահմանված է 2-5 տարի ազատազրկում և 50-200.000 թուրքական լիրայի տուգանք (մոտ 20-80.000 դոլար):

Աղբյուր` Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։