Հոդված09:17, 12 Հունիս 2015
Թուրք սյունակագիր. «Խորհրդարանական ընտրություններում հաղթել են ծպտյալ հայերը»
Թուրք սյունակագիր Մեհմեթ Շևքեթ Էյգին Թուրքիայի խորհրդարանական ընտրությունների վերաբերյալ բավականին ուշագրավ դիտարկումներ է արել իր հոդվածում: Նա կարծում է, որ ընտրություններում հաղթել են ծպտյալ հայերը:
Թուրքական «Milligazete» լրատվական կայքում հրապարակված «Հաղթեցին ծպտյալ հայերը» հոդվածում էյգին ներկայացրել է ընտրությունների հաղթող ու պարտվող կողմերին:
Ըստ նրա` ընտրություններում պարտվել է իշխանությունների «Արդարություն և զարգացում» կուսակցությունը (ԱԶԿ-AKP), չնայած շարունակում է մնալ երկրի առաջատար կուսակցությունը: Իսկ հաղթողը, ըստ թուրք վերլուծաբանի, քրդական կուսակցությունն է (նկատի ունի քրդամետ «Ժողովուրդների դեմոկրատական կուսակցությանը» (ԺՀԿ-HDP)-խմբ.):
Բայց հոդվածի հեղինակի համոզմամբ` այդ կուսակցությունն իրականում քրդական չէ: «Արտաքուստ քրդական երևացող, իսկ իրական ինքնությամբ ծպտյալ կուսակցություն է»:
Այնուհետև անդրադառնալով հայ թեկնածուների պատգամավոր ընտրվելու փաստին՝ գրում է. «Մեջլիսում հայտնվել են Թուրքիայի քաղաքացի երեք հայեր: Ծպտյալ հայերի թիվը մեջլիսում ստույգ չգիտեմ, բայց կարծում եմ` 40-ից ոչ պակաս»:
Էյգին համաձայն է անգամ քրդական կուսակցության գոյությանը, միայն թե դե հայկական չլինի: «Ծպտյալ հայերն օգտագործում են մահմեդական քրդերին: Այս գործից ամենամեծ վնասն կրողը լինելու են սուննի մահմեդական քրդերը»,- գրում է Էյգին՝ նշելով, որ նման դրության մեջ չհայտնվելու համար քրդերը պետք է զարթոնք ապրեն, գիտակցեն իրենց մահմեդական ինքնությունը, պարտականությունները ճշտորեն կատարեն և թույլ չտան, որ ուրիշներն օգտագործեն իրենց:
Քննադատելով այդ հարցում անցյալում կատարված սխալնեևը` հոդվածի հեղինակը նշում է, որ անցած 5 տարիների ընթացքում պետք էր Շարիաթին (իսլամի օրենսգիրք) կողմնակից հավատացյալ քրդերին կազմակերպված հունի մեջ դնել` ի հակադրություն «Քուրդիաստանի բանվորական կուսակցության» (ՔԲԿ-PKK): Բացի այդ պետք էր ստեղծել «Քրդական իսլամական» կուսակցություն և ամեն կերպ աջակցել, որպեսզի օրինակ այս խորհրդարանական ընտրություններում հենց այդ կուսակցությունը հաղթեր, այլ ոչ թե ԺԴԿ-ն:
Այս ենթաբաժնի վերջին նորությունները
Թուրքիայի քաղաքական դաշտը վերջին շրջանում նոր լարվածության է հասել Ստամբուլի քաղաքապետ, ընդդիմադիր գործիչ Էքրեմ Իմամօղլուի ձերբակալման հետևանքով:
Փաստացիորեն երկու տասնյակից ավելի նյութերում շրջանառվել են հայկական թեզերը։
Ֆաթիհ Ջեյլանը նշում է, որ Թուրքիան պիտի առավելագույն ջանք գործադրի խաղաղության համաձայնագիրը որքան հնարավոր է շուտ ստորագրելու համար:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այդ համագործակցության մասին առաջին անգամ հայտարարել է «Ռոսատոմ» ատոմային էներգետիկ պետական ընկերության ղեկավար Ալեքսեյ Լիխաչովը:
Հունական «Kathimerini» թերթը գրում է, որ Նյու Յորքում կայացած հունական սփյուռքի միջոցառման ժամանակ այդ մասին հայտնել է Գրեգորի Միքսը։
Գեդեոն Սաարի հայտարարությանն արձագանքել է Թուրքիայի արտաքին գերատեսչությունը այն համարելով լկտի հայտարարություն։
«Hürriyet» թերթի վերլուծաբան Աբդուլքադիր Սելվին անդրադարձել է «ՔԲԿ»-ի հիմնադիր առաջնորդ Աբդուլլահ Օջալանի (Ափո) զենքերը վայր դնելու և կուսակցությունը լուծարելու կոչին։
Այդ մասին հայտարարություն է տարածել Թուրքիայի նախագահականին կից հանրային կապերի վարչությունը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |