Տարածաշրջան07:30, 19 Հունիս 2015
Քըլըչդարօղլուն գորշ գայլերի քաղաքական թևի ղեկավարին առաջարկել է վարչապետի պաշտոնը
Թուրքիայի գլխավոր ընդդիմադիր «Ժողովրդահանրապետական» կուսակցության (CHP-ԺՀԿ) նախագահ Քեմալ Քըլըչդարօղլուն մեկ այլ ընդդիմադիր ուժի` գորշ գայլերի քաղաքական թևը համարվող «Ազգայանական շարժմանը» (MHP-ԱՇԿ) կուսակցությանն առաջարկել է կոալիցիա կազմել:
Թուրքական «Hürriyet» պարբերականը տեղեկացնում է, որ Քըլըչդարօղլուն ԱՇԿ-ի նախագահին առաջարկել է ստանձնել վարչապետի պաշտոնը:
Քըլըչդարօղլուն անդադարձել է խորհրդարանում ներկայացված 4-րդ ուժի՝ քրդամետ ընդդիմադիր «Ժողովուրդների դեմոկրատական» կուսակցության (HDP-ԺԴԿ) աջակցությանը ստանալու հարցին: Բայց դա համարվել է բավականին դժվար գործ՝ հաշվի առնելով ԱՇԿ-ի կոշտ դիրքրոշումը քրդական հարցի կարգավորման գործընթացի վերաբերյալ:
Քըլըչդարօղլուն նշել է, որ երեք կուսակցություններն էլ նախընտրական շրջանում ընտրողներին մի շարք խոստումներ են տվել, որոնց մեջ շատ ընդհանրություններ այդումամենայնիվ կան:
«Թուրքիան բազմաթիվ խնդիրներ ունի: Դրանք լուծել է պետք: Քաղաքականությունն էլ լուծումներ գտնելու արվեստ է»,- ասել է ընդդիմադիր կուսակցապետը:
Հիշեցնենք, որ հունիսի 7-ին Թուրքիայում տեղի էին ունեցել խորհրդարանական ընտրությունները: Խորհրդարանում հայտնված 4 կուսակցություններից ոչ մեկին չի հաջողվել բացարձակ մեծամասնություն ձևավորել (550 պատգամավորից բաղկացած խորհրդարանում մեծամասնություն ապահովելու համար անհրաժեշտ է 275+1 ձայն)՝ միայնակ կառավարություն կազմելու համար: Իշխող «Արդարություն և զարգացում» կուսակցությունը (AKP-ԱԶԿ), ստանալով 40.98 տոկոսի ձայն, խորհրդարանում նեկայացված կլինի 258 պատգամավորով: Բացարձակ մեծամասնություն դառնալու համար ԱԶԿ-ին չի բավարարում 18 պատգամավորական մանդատ: ԺՀԿ-ն, ԱՇԿ-ն և ԺԴԿ-ն համապատասխանաբար զբաղեցրել են 131, 80 և 81 տեղ: Հետևաբար գլխավոր ընդդիմադիրներին կառավարություն ձևավորելու համար անհրաժեշտ է նաև քրդամետ կուսակցության աջակցությունը:
Այս ենթաբաժնի վերջին նորությունները
Բիթլիսում 9 կմ խորության վրա գրանցված երկրաշարժը զգացվել է նաև հարակից նահանգներում և շրջաններում։
Թուրքիան և Հունաստանը ՆԱՏՕ-ին անդամակցել են 1952 թվականին։
Թուրք պաշտոնյան նաև խոսել է Գազայում, Ուկրաինայում և այլ հակամարտային գոտիներում տիրող իրավիճակից:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
«Մենք այնտեղ (ԱՄՆ-ում) 6 հատ F-35 ինքնաթիռ ունենք։ Հիմա, երբ տեսան, որ մենք «Kaan» ենք ստեղծում, նրանց վերաբերմունքը փոխվել է»,-նշել էր Յաշար Գյուլերը։
Նախարար Գյուլերը նշել է, որ S-400-ը կօգտագործվի միայն այն դեպքում, երբ օդային հարձակման սպառնալիքը հասնի շատ բարձր մակարդակի։
Գյուրբյուզ Չափանը անդրադարձել է հայ-թուրքական կարգավորման գործընթացին, պատմել Տեր-Պետրոսյանի հետ հանդիպման, Գորշ գայլերի առաջնորդի կողմից աջակցություն ստանալու և ցեղասպան հորեղբոր մասին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |