Քաղաքական08:48, 24 Հունիս 2015
Ընդդիմադիր պատգամավորները մեջլիս այցելած Էրդողանին ողջունելիս ոտքի չեն կանգնել
Հունիսի 23-ին Թուրքիայի ազգային մեծ ժողովում (ԹԱՄԺ) տեղի է ունեցել նորընտիր պատգամավորների երդմնակալության արարողությունը:
Թուրքիայի նախագահ Ռեջեփ Թայիփ Էրդողանը 25-րդ գումարման խորհրդարանի պատգամավորներին շնորհավորելու համար մասնակցել է երդման արարողությանը:
«CnnTürk» լրատվական ծառայությունը հայտնում է, որ երբ նախագահը մտել է նիստերի դահլիճ, ընդդիմադիր «Ժողովրդահանրապետական» (CHP-ԺՀԿ), «Ազգայնական շարժում» (MHP-ԱՇԿ) և քրդամետ «Ժողովուրդների դեմոկրատական» (HDP-ԺԴԿ) կուսակցության պատգամավորները ոտքի չեն կանգնել:
Երդմնակալության արարողությունը տևել է մոտ շուրջ 9 ժամ:
Հիշեցնենք, որ հունիսի 7-ին Թուրքիայում տեղի էին ունեցել խորհրդարանական ընտրություններ: Խորհրդարանում հայտնվել է 4 կուսակցություն՝ իշխող «Արդարություն և զարգացում» կուսակցությունը, գլխավոր ընդդիմադիր «Ժողովրդահանրապետական» կուսակցությունը, գորշ գայլեր ահաբեկչական խմբավորման քաղաքական թևը համարվող «Ազգայնական շարժում» կուսակցությունը և քրդամետ «Ժողովուրդների դեմոկրատական» կուսակցությունը: Իշխող կուսակցությունը խորհրդարանում նեկայացված կլինի 258 պատգամավորով, իսկ ԺՀԿ-ն, ԱՇԿ-ն և ԺԴԿ-ն համապատասխանաբար զբաղեցրել են 131, 80 և 81 տեղ:
Նշենք, որ 25-րդ գումարման խորհրդարանում պատգամավորական մանդատներ ձեռք բերեցին ազգությամբ հայ Թուրքիայի 3 քաղաքացիներ: Նրանք են`
1. Իշխող «Արդարություն և զարգացում» կուսակցությունից Մարգար Եսայանը:
2. Ընդդիմադիր «Ժողովրդահանրապետական կուսակցությունից» Սելինե Օզուզուն Դողանը
3. Քրդամետ «Ժողովուրդների դեմոկրատական կուսակցությունից» Գարո Փայլանը:
Այս ենթաբաժնի վերջին նորությունները
Գյուրբյուզ Չափանը անդրադարձել է հայ-թուրքական կարգավորման գործընթացին, պատմել Տեր-Պետրոսյանի հետ հանդիպման, Գորշ գայլերի առաջնորդի կողմից աջակցություն ստանալու և ցեղասպան հորեղբոր մասին։
Համաձայնագրերի ստորագրման արարողությունը կայացել է նախագահական պալատում։
Այցը ծրագրվում է 2025-ին։ Այն իրականացվելու է քրիստոնեական եկեղեցու առաջին տիեզերական ժողովի 1700-ամյակը նշելու համար։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
«Մենք այնտեղ (ԱՄՆ-ում) 6 հատ F-35 ինքնաթիռ ունենք։ Հիմա, երբ տեսան, որ մենք «Kaan» ենք ստեղծում, նրանց վերաբերմունքը փոխվել է»,-նշել էր Յաշար Գյուլերը։
Նախարար Գյուլերը նշել է, որ S-400-ը կօգտագործվի միայն այն դեպքում, երբ օդային հարձակման սպառնալիքը հասնի շատ բարձր մակարդակի։
Պաշտոնական Անկարան դա որակել է որպես անընդունելի զարգացում։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |