Տիգրան Համասյանը կմասնակցի Ստամբուլի ջազ-փառատոնին

Մշակութային09:38, 30 Հունիս 2015

Տիգրան Համասյանը կմասնակցի Ստամբուլի ջազ-փառատոնին

Հունիսի 30-ին հայ անվանի ջազային դաշնակահար Տիգրան Համասյանը ելույթ կունենա Թուրքիայում կազմակերպվող ստամբուլյան 22-րդ ամենամյա ջազ-փառատոնում:

Համասյանին կուղեկցեի Հարություն Թոփիկյանի ղեկավարած Երևանի պետական կամերային նվագախումբը: Հունիսի 29-ի երեկոյան Այա Իրինի թանգարանում ելույթ ունեցած Համասյանը հուլիսի 1-ին ևս մեկ համերգ կունենա Ստամբուլի «Cemal Reşit Rey» («Ջեմալ Ռեշիթ Ռեյ») համերգասրահում՝ Սամ Մինաիեի և Արթուր Հնաթեքի հետ համատեղ:

Հիշեցնենք, որ անվանի հայ ջազային դաշնակահար Տիգրան Համասյանը «Լույս ի լուսո» համերգաշարի շրջանակներում հանդես է գալիս մի շարք երկրների (Թուրքիայի, Հայաստանի, Վրաստանի, Լիբանանի, Ֆրանսիայի, Շվեդիայի, Բելգիայի, Չեխիայի, Բրիտանիայի, Գերմանիայի, Լյուքսեմբուրգի, Ռուսաստանի ու ԱՄՆ-ի) շուրջ 100 եկեղեցիներում: Թուրքիայում Համասյանը համերգներով հանդես է եկել Դիարբեքիրի (Տիգրանակերտ) Ս. Կիրակոս հայկական եկեղեցում, Վանի Աղթամար կղզու հայկական սուրբ Խաչ եկեղեցում, պատմական հայկական մայրաքաղաք Անիի ավերակներում և այլ վայրերում:

Աղբյուր` Ermenihaber.am

Այս ենթաբաժնի վերջին նորությունները

18:05, 20 նոյ

Կարսի մարզպետարանը բարեկարգում է Անիի ավերակներ տանող ճանապարհը

հայոց միջնադարյան մայրաքաղաքը շարունակում է մեծ ուշադրության արժանանալ տեղացի ու օտարերկրյա զբոսաշրջիկների կողմից։

14:22, 18 նոյ

Թուրքական թատերական խմբակը Երևանում հանդես եկավ սարոյանական ներկայացմամբ (Տեսանյութ)

Թատերական խմբակի ղեկավար Էրթյուրք Էրքեքը ներկայացման վերջում պատասխանել է հանդիսատեսի հարցերին։

10:15, 07 նոյ

Ղրղզստանի մայրաքաղաքում թուրքական մշակույթի կենտրոն է բացվել

«Մենք այստեղ ենք՝ ներկայացնելու մեր լեզուն, մշակույթը և կիսելու մեր ընդհանուր ժառանգությունը»,-ասվել է Յունուս Էմրեի անվան համալսարանի սոցցանցյան գրառման մեջ։