Մշակութային13:22, 06 Հուլիս 2015
Հայկական միության ղեկավարը բողոք է ներկայացրել հայկական հուշարձաններում գանձ որոնողի դեմ
Սասունի, Բիթլիսի, Մուշի, Վանի և Ստամբուլի հայերի սոցիալական օգնության, համերաշխության մշակութային միության ղեկավար Ազիզ Դաղջըն կրկին ահազանգում է, որ Արևմտյան Հայստանում քիչ թե շատ պահպանված հայկական հուշարձաններն ավերվում են գանձ որոնողների գործողությունների հետևանքով:
Թուրքական «İhlas» լրատվական գործակալության հաղորդմամբ` Դաղջըն նշել է, որ գանձ որոնողների պատճառով հայկական եկեղեցիներն ու գերեզմանները վերածվել են խլուրդի բների` հայտնելով, որ Էֆրիմ Բաղ անունով մի գանձախույզի դեմ դատախազությունում հանցագործության մասին հաղորդում է տվել:
Դաղջըն մասնավորապես ասել է. «Համաձայն իմ տեղեկությունների` Էֆրիմ Բաղ անունով մեկն այս շրջանում գանձ որոնելու աշխատանքներ է իրականացնում: Չգիտեմ` այդ գործն անելու համար թույլտվություն ունի, թե ոչ: Գանձախույզների պատճառով մեր հայկական գերեզմաններն ու եկեղեցիները խլուրդի բների են վերածվել: Այս պահին մտավախություն ունեմ,որ Էֆրիմ Բաղի գործողություններից կարող է վնաս կրել Սասունի Գոմք եկեղեցին: Այդ պատճառող էլ դատախազություն հաղորդում եմ ներկայացրել: Ես հաստատապես չեմ պնդում, որ Էֆրիմ Բաղն այդ գործն է անում, սակայն շատ տեղերից են լուրեր հասնում նրա` ոսկի փնտրելու մասին: Մոտ մեկ շաբաթ առաջ էլ լսեցի որ Սասունի գավառի Սարըյայա շրջանում ոսկի է փնտրում ու անմիջապես դիմեցի դատախազություն»:
Դաղջըն տեղեկացրել է նաև, որ վերոհիշյալ Էֆրիմ Բաղն ազգությամբ հույն է, սակայն որպես հայ է ներկայանում ու զբոսաշրջիկի կարգավիճակով գնում այդ տարածքներ՝ գանձ որոնելու աշխատանքներ կատարելու:
Այս ենթաբաժնի վերջին նորությունները
Սերիալը կհեռարձակվի «Լույս TV»-ի եթերում՝ հայերեն հնչողությամբ և թուրքերեն ենթագրով։
Եկեղեցուն զուգահեռ վերանորոգվելու է հարակից տարածքում գտնվող և նախկինում ÇEK-ի կողմից շահագործված շենքը, որը ևս մշակութային կենտրոնի մի մասն է կազմելու:
Նշվում է, որ Ուրֆայում գտնվող հայկական եկեղեցու մի մասը փլուզվել է երկրաշարժի հետևանքով, իսկ մյուս մասը՝ վերածվել մզկիթի։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի արտգործնախարար. «Պետք է բախում չենթադրող փոխադարձ մեխանիզմ ստեղծվի այնպես, ինչպես դա արել ենք ԱՄՆ-ի և Ռուսաստանի հետ»:
Նիստին անձամբ մասնակցելու է Թուրքիայի նախագահ Ռեջեփ Թայիփ Էրդողանը:
Օդանավակայանում գործարկված նոր համակարգով կարելի է միաժամանակ թռիչքներ ու վայրէջքներ իրականացնել բոլոր թռիչքուղիներով:
Թուրքիայում գործող մերձիշխանական թերթում հոդված է հրապարակվել, որում գլխավոր ընդդիմադիր ուժը համարվող ԺՀԿ-ն մեղադրվում է ներքին խարդավանքների մեջ:
Հարցվածների 32%-ը նշել է, որ չի վստահում որևէ հեռուստաալիքի։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |