Իրավական09:02, 16 Հուլիս 2015
Թուրքիայի վճռաբեկ դատարանի նախկին նախագահը խոսել է Հրանտ Դինքի դեմ կայացված վճռի մասին
Թուրքիայի վճռաբեկ դատարանի նախկին նախագահ Ալի Ալքանը, ով փետրվար ամսին հեռացել է պաշտոնից, հարցազրույց է տվել թուրքական «T24» լրատվական կայքին: Արդարադատության ոլորտին վերաբերող հարցերի հետ միասին Ալքանը խոսել է նաև թուրքական դատարանի` «Ակօս» շաբաթաթերթի հիմնադիր-խմբագրապետ Հրանտ Դինքին Թուրքիայի ՔՕ 301-րդ հոդվածով մեղավոր ճանաչելու որոշմանը:
Հարցին, թե արդյոք Վճռաբեկ դատարանը սխալ որոշում է կայացրել Հրանտ Դինքին մեղավոր ճանաչելով «թուրքականությունը վիրավորելու» մեջ, Ալքանը նշել է, որ եթե այսօր վճռաբեկ դատարանում նմանատիպ հայց լինի, ապա մեղադրվող կողմը կարդարացվի: Ըստ նրա խոսքի ազատության տեսանկյունից Թուրքիան մեծ առաջընթաց է գրանցել, որի վրա ազդեցություն է ունեցել նաև Մարդու իրավունքների եվրոպական դատարանը (ՄԻԵԴ): ՄԻԵԴ-ում Թուրքիայի դեմ կայացված որոշումներից հետո դատական համակարգում գաղափարական կարևոր փոփոխություններ են տեղի ունեցել:
Մասնագետը համոզված է, որ առանց ՄԻԵԴ-ի ազդեցության թուրքական դատարանը այդ առաջընթացը չէր կարող գրանցել: «ՄԻԵԴ-ի ազդեցությունը շատ մեծ է եղել, քանի որ իմ պաշտոնավարության ընթացքում Վճռաբեկ դատարանի բազմաթիվ ներկայացուցիչների ուղարկել ենք ՄԻԵԴ `ուսումնասիրություններ անելու համար: Եվ այնտեղ գործնականում տեսանք ՄԻԵԴ-ի մոտեցումը խոսքի ազատությանը և մեր մոտեցումներն էլ հարստացան»,-ասել է Ալքանը:
Լրագրողի հարցին, թե արդյոք Դինքի սպանությունը անուղղակիորեն դաս է եղել Վճռաբեկ դատարանի համար, Ալքանը ասել է, որ այն դաս է եղել Թուրքիայի համար, այդ կերպ նաև` Վճռաբեկի համար:
Լրագրողի խնդրանքին մեկնաբանել դատական գործընթացի ժամանակ Դինքի դեմ հանդես եկող աշխատակիցների պաշտոնների բարձրացումը, այդ թվում Նիհաթ Օմերօղլուի` Օմբուցմենի պաշտոնում նշանակվելը, երբ այդ կառույցը Դինքի սպանության դատավարության ժամանակ որևէ բան չի արել, Ալքանը նշել է, որ դրանք ղեկավար մարմինների լիազորություններն են և դուրս են իր հայեցողությունից:
Հիշեցնենք, որ 2005 թվականին Շիշլիի քրեական դատարանը թուրքականությունը վիրավորելու և ծաղրելու համար (301-րդ հոդված) Դինքին դատապարտել էր 6 ամսվա ազատազրկման: 2006 թվականին Վճռաբեկ դատարանը վերահաստատել էր այդ որոշումը, մինչդեռ ՄԻԵԴ-ը 2010 թվականին թուրքական դատարանի վճռին հակասող որոշում ընդունեց, ըստ որի, Դինքի արտահայտությունը ոչ թե վիրավորանք էր, այլ խոսքի ազատություն:
Այս ենթաբաժնի վերջին նորությունները
«BBC News»-ի գործադիր տնօրեն Դեբորա Թյորնեսը հայտնել է, որ կատարվածը խորապես մտահոգիչ է և դա կքննարկեն Թուրքիայի իշխանությունների հետ։
Ստամբուլի ընդդիմադիր քաղաքապետի ձերբակալումից հետո Թուքրիայի մի շարք քաղաքներում ընթանում են ցույցեր։
Ստամբուլի ընդդիմադիր քաղաքապետ Էքրեմ Իմամօղլուի ձերբակալումից հետո Թուրքիայի մի շարք խոշոր քաղաքներում բողոքի ակցիաներ ու ցույցեր են ընթանում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Հունական «Kathimerini» թերթը գրում է, որ Նյու Յորքում կայացած հունական սփյուռքի միջոցառման ժամանակ այդ մասին հայտնել է Գրեգորի Միքսը։
Նման լուրեր տարածվել են նաև քրդերեն հրապարակվող որոշ լրատվականներում, ինչպես նաև արաբական մեդիայում:
«Hürriyet» թերթի վերլուծաբան Աբդուլքադիր Սելվին անդրադարձել է «ՔԲԿ»-ի հիմնադիր առաջնորդ Աբդուլլահ Օջալանի (Ափո) զենքերը վայր դնելու և կուսակցությունը լուծարելու կոչին։
Թուրքիայի գանձապետարանի և ֆինանսների նախարարը նշել է, որ Թուրքիան պատրաստ է ԵՄ-ի հետ ավելի ամուր համագործակցության։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |