Թուրքիայի ողջ տարածքում հակաահաբեկչական գործողություններ են իրականացվում

Իրավական10:10, 24 Հուլիս 2015

Թուրքիայի ողջ տարածքում հակաահաբեկչական գործողություններ են իրականացվում

Թուրքիայի ողջ տարածքում իրականացվող լայնածավալ հակաահաբեկչական գործողություններին անվտանգության ուժերի հազարավոր անդամներ են մասնակցում: Արդեն կան 100-ավոր ձերբակալվածներ: Գործողությունների ընթացքում Թուրքիայում ահաբեկչական հայտարարված DHKP-C (Ժողովրդի փրկության հեղափոխական կուսակցություն-ճակատ) խմբավորման կին անդամներից մեկը սպանվել է:

Ստամբուլի 26 շրջաններում իրականացված միաժամանակյա գործողություններին մասնակցել տարբեր ստորաբաժանումների շուրջ 5 հազար ծառայողներ: 140-ից ավելի հասցեներում միաժամանակ իրականացված գործողությունների ժամանակ օդային աջակցության համար օգտագործվել են նաև ոստիկանական ուղղաթիռներ:

Թուրքական «Sabah» թերթի կայքի հաղորդմամբ` ձերբակալվածներից թվում շատ են «Իսլամական պետություն» ահաբեկչական կազմակերպության, «Քուրդիստանի բանվորական կուսակցության» (PKK-ՔԲԿ) երիտասարդական թևերի ու DHKP-C-ին (Ժողովրդի փրկության հեղափոխական կուսակցություն-ճակատ) անդամակցելու մեջ կասկածվողները:

Ստամբուլի գործողությունների արդյունքում ձերբակալվել է 98 մարդ, որոնցից 36-ը` օտարերկրացիներ են:

Ոստիկանական ուժերը գործողություններ են իրականացրել նաև Բուրսայում, որտեղ ձերբակալվել է 10 մարդ: Իզմիրում ձերբակալվել է 6, Անկարայում` 9, իսկ Ուրֆայում 35 անձ:

Աղբյուր` Ermenihaber.am