Տարածաշրջան11:34, 25 Հուլիս 2015
Դավութօղլուն ԻՊ-ի դեմ ավիահարվածների մասին. «Դա խաղաղության գործողություն էր»
Թուրքիայի վարչապետ Ահմեթ Դավութօղլուն հայտարարություն է արել Թուրքիայի Զինված Ուժերի՝ «Իսլամական պետություն» (ԻՊ) ահաբեկչական կազմակերպության դեմ իրականացրած ռազմական գործողությունների վերաբերյալ: Թուրքական «Yenişafak» պարբերականի տեղեկացմամբ՝ Դավութօղլուն ԻՊ-ի դեմ օդային հարվածները բնորոշել է «խաղաղության և անվտանգության գործողություններ» արտահայտությամբ:
Դավութօղլուն հայտնել է, որ Թուրքիայի ԶՈՒ-ն հաջողությամբ ոչնչացրել է Սիրիայի տարածքում ԻՊ-ի դիրքերը, որոնք պոտենցիալ սպառնալիք էին ներկայացնում Թուրքիայի համար: Դավութօղլուի տեղեկացմամբ՝ ԻՊ-ի թիրախները խոցվել են առանց Սիրիայի հետ սահմանը խախտելու, սակայն ահրաժեշտության դեպքում Թուրքիան կգնար նաև այդ քայլին: Ըստ վարչապետի՝ Թուրքիայի ԶՈՒ-ն անհրաժեշտ միջոցառումները կձեռնարկի նրանց դեմ, ովքեր կսպառնան Թուրքիայի Հանրապետության սահմաններին:
Դավութօղլուն, նշելով, որ սկսված գործողությունները մեկանգամյա բնույթ չեն կրում, այլ գործընթացի մաս են կազմում, ասել է. «Անհրաժեշտ բոլոր քայլերը կանենք: Սա ոչ միայն Թուրքիայի Հանրապետության անվտանգության պաշտպանության, այլև Թուրքիայի ժողովրդավարության պաշտպանության համար արված գործողություն է»:
Խոսելով «Քուրդիստանի բանվորական կուսակցության» (ՔԲԿ-PKK) իրականացրած հարձակումների մասին՝ վարչապետն ասել է, որ ԻՊ-ն և ՔԲԿ-ն գործողությունները կատարում են զուգահեռաբար և գրեթե միաժամանակ: Ըստ վարչապետի՝ Թուրքիայում ժողովրդավարության ամրապնդման ֆոնին ահաբեկչության ակտիվացումը պատահական չէ և սպառնալիք է, որին պետք է անհրաժեշտ պատասխան տալ:
Նա անդրադարձել է նաև Թուրքիայի և ԱՄՆ-ի միջև ձեռք բերված համաձայնությանը, ըստ որի, ԱՄՆ-ն ԻՊ-ի դեմ պայքարում կարող է օգտագործել Ինջիրլիքի ռազմաբազան: Դավութօղլուն ասել է, որ ԻՊ-ի դեմ իրականացված ռազմական գործողությունները որևէ առնչություն չունեն ԱՄՆ-ի հետ տարվող բանակցությունների հետ և Ինջիրլիքից թռիչքներ կատարելու թույլտվությունը այլ գործընթաց է: Դավութօղլուն վստահեցրել է, որ Թուրքիան որևէ պատերազմի մեջ չի ներգրավվելու:
Այս ենթաբաժնի վերջին նորությունները
Ֆիդան․«Ինչպես «Իսլամական պետություն» ահաբեկչական կազմակերպությունը (ԻՊ) դուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության և հանգստության մեջ, կա՛մ այլ կերպ»
«AFAD»-ի հայտարարության համաձայն՝ հետցնցումները կանխատեսվել է, որ կմեղմանան և կավարտվեն առաջիկա մի քանի շաբաթների ընթացքում։
Թուրքիայի տրանսպորտի և ենթակառուցվածքների նախարարը Դամասկոսում հանդիպել է Սիրիայի տրանսպորտի նախարարի հետ։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։
Այս ցուցանիշով Թուրքիան աշխարհի երկրների ցանկում զբաղեցրել է 17-րդ հորիզոնականը։
Նշվում է, որ հանդիպմանը քննարկվել է Գազայում հումանիտար իրավիճակը և հրադադարի շուրջ բանակցություններում առկա վերջին զարգացումները։
Ֆիդան․«Ինչպես «Իսլամական պետություն» ահաբեկչական կազմակերպությունը (ԻՊ) դուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության և հանգստության մեջ, կա՛մ այլ կերպ»
«Ես քաղաքական հավակնություններ չունեմ: Ինձ հաճախ են հարցնում այս մասին, բայց ես կցանկանայի մնալ ոչ կառավարական հատվածում»։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |