PKK-ն գիշերվա ընթացքում առնվազն 6 գործողություն է իրականացրել Թուրքիայում. կա 3 զոհ

Տարածաշրջան09:31, 04 Օգոստոս 2015

PKK-ն գիշերվա ընթացքում առնվազն 6 գործողություն է իրականացրել Թուրքիայում. կա 3 զոհ

Թուրքիայի տարբեր շրջաններում ողջ գիշերվա ընթացքում և առավոտյան ժամերին «Քուրդիստանի բանվորական կուսակցության» (PKK-ՔԲԿ) զինյալները առնվազն 6 գործողություն են իրականացրել, այդ թվում` պայթյուններ ու հարձակումներ թուրքական անվտանգության ուժերի վրա:

Առավոտյան ժամը 8:00-ի սահմաններում Շըրնաքում իրականացված պայթյունի հետևանքով զոհվել է 3 անվտանգության ծառայող, վիրավորվել` երկուսը:

Թուրքական «Milliyet» թերթի կայքը ներկայացրել է գիշերվա ընթացքում տեղի ունեցած դեպքերը.

ՔԲԿ-ականները Բինգյոլ-Քըղը ավտոճանապարհին պայթեցրել են զրահամեքենա` նախօրք ականապատելով մեքենայի անցնելու ճանապարհը: Պայթյունի հետևանքով մարդկային կորուստներ չեն գրանցվել. շարքից դուրս է եկել զրահամեքենան: Հաղորդվում է, որ զինյալներին հայտնաբերելու նպատակով անվտանգության ուժերը լայնամասշտաբ գործողություն են սկսել:

Գիշերը ժամը 20:30-ի սահմաններում ՔԲԿ-ականները ականանետից կրակ են բացել Դիարբեքիրի Սիլվան գավառում կառուցվող ջրամբարի շինհրապարակի ուղղությամբ: Դեպքի վայր ժամանած անվտանգության ծառայողների պատասխան կրակի արդյունքում տեղի է ունեցել մոտ 15 րոպե տված փոխհրաձգություն, ինչից հետո զինյալները հեռացել են դեպքի վայրից: Դեպքի արդյունքում մարդկային կորուստներ չկան:

Գիշերը ժամը 22:00-ի սահմաններում քուրդ զինյալները 2 անգամ նռնականետից կրակ են բացել Դիարբեքիրի Քուլփ գավառի ոստիկանական բաժանմունքի շենքի վրա: Ոստիկանների պատասխանից հետո կրկին կարճ բախում է տեղի ունեցել: Զոհերի ու վիրավորների մասին տեղեկություններ դեռևս չեն հաղորդվում:

Նուսայբին-Միդյաթ ավտոճանապարհին էլ քուրդ զինյալները 2 բեռնատար են կանգնեցրել, վարորդներին իջեցրել ու կրակի տվել մեքենաները:

Վերջին դեպքը տեղի է ունեցել քրդաբնակ Հաքքարի նահանգի Չուքուրջա գավառում: Զինյալների խումբը կրակ է բացել գավառի Ժանդարմերիայի շենքի վրա: Պատասխան կրակի արդյունքում տեղի ունեցած կարճ բախումից հետո զինյալները հեռացել են մթության մեջ թաքցրել իրենց հետքերը:

Աղբյուր` Ermenihaber.am

Այս ենթաբաժնի վերջին նորությունները

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունը (ԻՊ) դուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության և հանգստության մեջ, կա՛մ այլ կերպ»

14:00, 25 ապր

Ստամբուլում տեղի ունեցած 6.2 բալ ուժգնությամբ երկրաշարժից հետո գրանցվել է 291 հետցնցում

«AFAD»-ի հայտարարության համաձայն՝ հետցնցումները կանխատեսվել է, որ կմեղմանան և կավարտվեն առաջիկա մի քանի շաբաթների ընթացքում։

16:18, 23 ապր

Թուրքիան Սիրիային կապահովի ինտերնետով

Թուրքիայի տրանսպորտի և ենթակառուցվածքների նախարարը Դամասկոսում հանդիպել է Սիրիայի տրանսպորտի նախարարի հետ։

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Ջորջ Ասլանը Հայոց ցեղասպանության թեմայով արտահերթ ելույթ է ունեցել Թուրքիայի խորհրդարանում

«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։