Իրավական10:02, 06 Օգոստոս 2015
Ստամբուլահայ կնոջ սպանության գործով կասկածյալը առաջին անգամ պատմել է, թե իրականում ինչ է տեղի ունեցել
Ստամբուլի Սամաթիա թաղամասի 85-ամյա հայ բնակչուհի Մարիցա Քյուչուքի դաժան սպանության գործով մեղադրյալ հանդես եկող Մուրադ Նազարյանը, ով մշտապես իր ցուցմունքերում նշում էր, որ չի հիշում, թե ինչպես է ամեն ինչ եղել, առաջին անգամ պատմել է, թե սպանության օրը իրականում ինչ է տեղի ունեցել:
Ըստ «Ակօս»-ի` Նազարյանն օրերս իրեն այցելած փաստաբանին և ընտանիքի անդամներին պատմել է, որ իր ծանոթներից մեկը, ով ինչ-որ սրճարան է աշխատեցնում, իրեն սպանության օրը ժամադրել է մի զբոսայգում: Նազարյանը պայմանավորվածության համաձայն գնացել է զբոսայգի ու սպասել այդ մարդուն: Սպասելու ընթացքում ջրեր առաքող մի մեքենայով 3 անձիք են մոտեցել ու, իր անուն ազգանունը տալով, կանչել իրենց մոտ: Նազարյանը նստել է մեքենան: Նրան ինչ-որ հաբ են տվել, տարել այն շենքի մոտ, որտեղ ապրում էր Մարցիա Քյուչյուքը ու ասել, որ մտնի կնոջ բնակարան: Իսկ այդ 3 անձիք շենքի հետևի մուտքից նույնպես մտնել են Քյուչյուքի բնակարան և հարձակվել կնոջ վրա: Նազարյանը, այս ամենը տեսնելով, սարսափում է և արտասվելով փախչում դեպքի վայրից:
Հիշեցնենք, որ ավելի վաղ մեղադրյալի փաստաբան Ջաֆեր Գյուլը նշել էր, որ հանցագործության իրական մեղավորներն ազատության մեջ են: Փաստաբանն ընդգծել է, որ Մարիցա Քյուչուքի տուն մտնելիս Նազարյանը մենակ չի եղել, հանցագործության վայրում հայտնաբերվել են ևս 4 մարդկանց արյան հետքեր, որոնք ներս են մտել տեսախցիկներով չվերահսկվող դռնից, այդ պատճառով չեն երևում գործով առկա տեսագրության մեջ:
Այս ենթաբաժնի վերջին նորությունները
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։
Իր հարազատների հետ քուրդ դատապարտյալի հեռախոսազրույցն անջատվել է քրդերեն խոսելու պատճառով։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |