Տարածաշրջան08:15, 14 Օգոստոս 2015
Քուրդ գրոհայինները կեսգիշերին հարձակվել են թուրքական ժանդարմերիայի վրա
«Քուրդիստանի բանվորական կուսակցության» (ՔԲԿ-PKK) զինյալները կեսգիշերին զինված հարձակումներ են իրականացրել Թուրքիայի Թունջելի (Դերսիմ), Բինգյոլ (Բյուրակն) և Հաքքարի նահանգներում:
Թուրքական «Vatan» թերթի կայքի տեղեկացմամբ` քուրդ գրոհայինները Թունջելի նահանգի Փյուլյումյուր շրջանում հարձակվել են տեղի ժանդարմերիայի հատուկ վաշտի վրա, որի հետևանքով 3 մարդ է վիրավորվել: Զինյալները ռումբերով բեռնված միկրոավտոբուսը կայանել են վաշտի մոտ, ապա լքելով ավտոբուսը, հեռակառավարման վահանակի միջոցով պայթեցրել այն: Վիրավորվածներից 2 շարքային քաղաքացիներ են, իսկ մեկը` զինվոր: ՔԲԿ-ականները դեպքի վայրից փախուստի են դիմել, իսկ տուժած զինվորներին շտապ հոսպիտալացրել են:
Բինգյոլ նահանգի Գենչ շրջանում ՔԲԿ-ի զինյալները ականանետերով և հրազենով հարձակվել են ժանդարմերիայի պարեկային կետի վրա, որի հետևանքով վիրավորվել է պայմանագրային սերժանտ Ռըդվան Չաքըրը:
Զինյալները հարձակում են գործել նաև սահմանամերձ Հաքքարի նահանգի Յուկքսեքովա շրջանի Քըշլա թաղամասի Չենգիզ Թոփել հրապարակով անցնող ոստիկանական մեքենաների վրա: Չնայած հարձակման հետևանքով վիրավորներ և զոհեր չեն եղել, այնուամենայնիվ տեղի է ունեցել փոխհրաձգություն: Ոստիկանությունն այժմ համապատասխան աշխատանքներ է իրականացնում տեղանքում:
Այս ենթաբաժնի վերջին նորությունները
Թուրքիայի էներգետիկայի և բնական ռեսուրսների նախարար Ալփարսլան Բայրաքթարը մեկնել է Դամասկոս։
Փորձագետների գնահատականներով՝ մինչև 2100 թ․ Թուրքիայի ջրային պաշարները 25%-ով կնվազեն։
Թուրքիայի կառավարության «Աղետների և արտակարգ իրավիճակների վարչությունը» (AFAD) հայտարարություն է տարածել, որտեղ նշվում է, որ Էգեյան ծովում գրանցվել է 6 բալ ուժգնությամբ երկրաշարժ։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |