Տարածաշրջան13:10, 31 Օգոստոս 2015
«Իսլամական Պետությունը» սեփական ոսկեդրամն է հատել
«Իսլամական պետություն» (ԻՊ - İŞİD) ահաբեկչական խմբավորումը սեփական ոսկեդրամն է հատել, որն այսուհետ կիրառվելու է ԻՊ-ի տիրապետության տակ եղած բոլոր տարածքներում: Ըստ թուրքական «Canlihaber.com» լրատվակայքի՝ Սիրիայի և Իրաքի մեծ մասին տիրացած և իր վայրագություններով պարբերաբար աշխարհը ցնցող ԻՊ-ը սեփական դինարն է թողարկել, ինչի վերաբերյալ ինտերնետում հատուկ տեսանյութ է տարածվել: Տեսանյութում երևում է, որ ԻՊ-ի նոր ոսկեդրամները իրենց տեսքով նման են Մուհամմեդի ժամանակաշրջանում օգտագործվող դինարներին : Տեսանյութում նաև տեղ են գտել կադրեր 2001թ. սեպտեմբերի 11-ին ԱՄՆ-ի երկվորյակ աշտարակների նկատմամբ «Ալ Քաիդայի» իրականացրած ահաբեկչությունից: Շուրջ 55 րոպեանոց տեսագրությունում օգտագործվել են արաբերեն, ֆրանսերեն, ռուսերեն, թուրքերեն և այլ լեզուներով ենթագրեր:
ԻՊ-ի տարածած տեսագրությունում անդրադարձ է կատարվում ոսկու առանձնահատկություններին, նաև նշվում է, որ Ամերիկան «իր բռի մեջ է հավաքել» Միջին Արևելքի բոլոր նավթարդյունահանող երկրներին և նավթը վաճառում է ԱՄՆ դոլարով, իսկ եթե նավթի դոլարով վաճառքը դադարեցվի, ԱՄՆ–ը կսնանկանա: Տեսանյութում նույնիսկ առաջ է քաշվել այն պնդումը, թե ԱՄՆ-ն արդեն սնանկացած է և միայն այս երկրների շնորհիվ է կարողանում գոյատևել:
ԻՊ-ը նշում է, որ իրական արժեքային չափանիշը ոսկին է և որ արդեն իսկ արգելված է նավթի վաճառքը ամերիկյան դոլարով:
ԻՊ-ի ոսկեդրամի վրա գրված է «Իսլամական պետություն՝ խալիֆայություն մարգարեական ճանապարհի վրա: 5 Դինար»: Մեկ ոսկեդրամը համարժեք է 4.25 գրամ ոսկու: Բացի ոսկյա դինարից ԻՊ-ը թողարկել է նաև արծաթյա «դիրհեմ» և պղնձե «ֆուլյուս»:
Նշենք, որ անցյալ տարի ԻՊ-ը Իրաքի Մուսուլ քաղաքում 430 000 տոննա ոսկի էր յուրացրել: ԻՊ-ը իր տարածքներում արգելել է նոր ոսկեդրամներից բացի մյուս բոլոր դրամական արժեքների օգտագործումը: Ըստ աղբյուրի՝ ԻՊ-ին ամենից շատ «անհանգստացնող» դրամական միավորը ԱՄՆ դոլարն է:
Այս ենթաբաժնի վերջին նորությունները
Անթալիայի օդանավակայանը կարող է տարեկան սպասարկել շուրջ 82 մլն ուղևորի։
Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։
«AFAD»-ի հայտարարության համաձայն՝ հետցնցումները կանխատեսվել է, որ կմեղմանան և կավարտվեն առաջիկա մի քանի շաբաթների ընթացքում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այս ցուցանիշով Թուրքիան աշխարհի երկրների ցանկում զբաղեցրել է 17-րդ հորիզոնականը։
«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։
Նշվում է, որ հանդիպմանը քննարկվել է Գազայում հումանիտար իրավիճակը և հրադադարի շուրջ բանակցություններում առկա վերջին զարգացումները։
Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։
«Ես քաղաքական հավակնություններ չունեմ: Ինձ հաճախ են հարցնում այս մասին, բայց ես կցանկանայի մնալ ոչ կառավարական հատվածում»։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |