Թուրքիայում ձերբակալված բրիտանացի լրագրողները ազատ են արձակվել

Իրավական13:53, 03 Սեպտեմբեր 2015

Թուրքիայում ձերբակալված բրիտանացի լրագրողները ազատ են արձակվել

Թուրքիայի Դիարբեքիր քաղաքում ձերբակալված «VICE News» լրատվական ծառայության բրիտանացի լրագրողներ Ջեյք Հանրահանին և Ֆիլիփ Փենդլեբուրին և վերջիններիս ուղեկցող իրաքցի թարգմանիչ Մուհամադ Ռասոոլին ազատ են արձակել:

Ըստ թուրքական «haberler» լրատվամիջոցի` լրագրողները ձերբակալվել էին «Իսլամական պետություն» (ԻՊ) ահաբեկչական կազմակերպության հետ կապ ունենալու մեղադրանքով: Ի դեպ չնայած նրանք ձերբակալվել էին «ԻՊ»-ին աջակցելու կասկածանքով, սակայն դատարանում նրանց մեղադրանք էր առաջադրվել «Քուրդիստանի բանվորական կուսակցության» (PKK-ՔԲԿ) հետ կապ ունենալու համար: Բանտում 3 օր անցկացնելուց հետո այսօր թուրքական դատարանը քննարկել է լրագրողների փաստաբանի դիմումը և որոշել նրանց ազատ արձակել:

Հիշեցնենք, որ այսօր Մեծ Բրիտանիայի արտաքին գործերի նախարարությունը հանդես էր եկել պաշտոնական հայտարարությամբ, որտեղ կոչ էր արել Թուրքիային ազատ արձակել լրագրողներին:

Աղբյուր` Ermenihaber.am