Երևանում Հրանտ Դինքի հիշատակին նվիրված ստեղծագործություն կհնչի

Մշակութային08:01, 12 Սեպտեմբեր 2015

Երևանում Հրանտ Դինքի հիշատակին նվիրված ստեղծագործություն կհնչի

Թուրքիայում հայտնի երաժիշտ, կոմպոզիտոր Մաժակ Թոշիկյանը (Ջենք Թաշքան) սեպտեմբերի 24-ին համերգ կտա Երևանում: Թուրքական «Bianet» լրատվական կայքը տեղեկացնում է, որ Թոշիկյանը Հայաստան է ժամանելու պետության հրավերով, իսկ համերգը տեղի է ունենալու կոմիտասյան շաբաթվա ընթացքում, որն անցկացվում է Հայոց ցեղասպանության 100-րդ տարելիցին նվիրված միջոցառումների շրջանակում:

Համերգը բաղկացած է 2 մասից: Առաջին մասում Պարթև Գարյանի, Սիբիլ Փեքթորոսօղլուի և Լիդա Քյոսեօղլուի կատրարմամբ կհնչեն Թոշիկյանի հայերեն ստեղծագործությունները: Երկրորդ հատվածում կլինի 2007 թվականին սպանված «Ակօս» շաբաթաթերթի հիմնադիր խմբագրապետ Հրանտ Դինքի հիշատակին նվիրված օրատորիայի պրիմիերան: Թոշիկյանի և Բերճուհի Բերբերյանի (խոսքեր) համատեղ ստեղծագործությունը Թոշիկյանի հետ միասին կներկայացնի Հակոբ Մամիկոնյանի ղեկավարած Լուսավորիչ երգչախումբը:

Թոշիկյանը հայտնել է, որ առաջին անգամ որպես կոմպոզիտոր Հայաստանից համերգի հրավեր է ստացել: Երաժշտի խոսքերով իր համար պատվաբեր է, որ պոլսահայ մի կոմպոզիտորի ստեղծագործությունները հնչելու են Երևանում:

Աղբյուր` Ermenihaber.am

Այս ենթաբաժնի վերջին նորությունները

18:05, 20 նոյ

Կարսի մարզպետարանը բարեկարգում է Անիի ավերակներ տանող ճանապարհը

հայոց միջնադարյան մայրաքաղաքը շարունակում է մեծ ուշադրության արժանանալ տեղացի ու օտարերկրյա զբոսաշրջիկների կողմից։

14:22, 18 նոյ

Թուրքական թատերական խմբակը Երևանում հանդես եկավ սարոյանական ներկայացմամբ (Տեսանյութ)

Թատերական խմբակի ղեկավար Էրթյուրք Էրքեքը ներկայացման վերջում պատասխանել է հանդիսատեսի հարցերին։

10:15, 07 նոյ

Ղրղզստանի մայրաքաղաքում թուրքական մշակույթի կենտրոն է բացվել

«Մենք այստեղ ենք՝ ներկայացնելու մեր լեզուն, մշակույթը և կիսելու մեր ընդհանուր ժառանգությունը»,-ասվել է Յունուս Էմրեի անվան համալսարանի սոցցանցյան գրառման մեջ։