Աղմկահարույց ձերբակալություններ Թուրքիայում

Իրավական06:56, 16 Սեպտեմբեր 2015

Աղմկահարույց ձերբակալություններ Թուրքիայում

Թուրքիայի Կայսերի քաղաքում սեպտեմբերի 16-ի առավոտյան ոստիկանական գործողություն է իրականացվել՝ ուղղված «զուգահեռ կառույցի» ենթադրյալ աջակիցների դեմ:

Նշենք, որ Թուրքիայում «զուգահեռ կառույց» անվանում են իշխանությունների հետ խոր առճակատման մեջ գտնվող գյուլենական համայնքին՝ իսլամական շարժման առաջնորդ՝ ամերիկաբնակ Ֆեթուլլահ Գյուլենի հետևորդներին:

Թուրքական «haberler.com» լրատվակայքի համաձայն՝ գործողության արդյունքում ձերբակալվել է 11 քաղաքացի, որոնց թվում՝ հայտնի թուրքական «Boydak Holding» ընկերության և թուրքական «Մելիքշահ» համալսարանի ղեկավարները:

Նշյալ համալսարանի հոգաբարձուների խորհրդի նախագահ և «Boydak Holding»-ի գործադիր տնօրեն Մեմդուհ Բոյդաքը և մի շարք այլ գործարարներ այս առավոտ բերման են ենթարկվել իրենց տներից և աշխատավայրերից:

Նշենք , որ «Boydak Holding»-ը ներառում է 12 տարբեր ոլորտներում (կահույքի արտադրություն, բանկային գործ, տեքստիլ արդյունաբերություն և այլ) գործունեություն ծավալող 41 ընկերություն, որոնցից 8-ը տեղ են գտել Թուրքիայի ամենախոշոր 500 արդյունաբերական կազմակերպությունների ցուցակում: «Boydak Holding»- Թուրքիայում ապահովում է 14.000 աշխատատեղ:

Աղբյուր` Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։