Քաղաքական10:22, 02 Հոկտեմբեր 2015
Թուրքիայի ընդդիմադիր կուսակցությունը նախընտրական խոստումներ է տվել՝ կապված հայերի ու Հայաստանի հետ
Թուրքիայի ընդդիմադիր քրդամետ «Ժողովուրդների դեմոկրատական» կուսակցությունը (ԺԴԿ - HDP) նոյեմբերի 1-ին կայանալիք արտահերթ խորհրդարանական ընտրությունների առթիվ հրապարակել է իր նախընտրական ծրագիրը, որում տեղ են գտել նաև Հայաստանի հետ կապված ուշագրավ խոստումներ:
Թուրքական «Hürriyet» պարբերականի ինտերնետային կայքի համաձայն՝ ԺԴԿ-ի նախընտրական ծրագրում՝ այլ խնդիրների կողքին անդրադարձ է կատարվել մասնավորապես հետևյալ թեմաներին.
ԺԴԿ-ն խոստացել է, որ առանց նախապայմանների կբացվի Հայաստան-Թուրքիա միջպետական սահմանը, կդադարեցվի Հայաստանի նկատմամբ կիրառվող տնտեսական շրջափակումը: Ընդդիմադիր կուսակցությունը խոստացել է նաև «նպաստել Ղարաբաղի հարցում ժողովրդավարական լուծման հասնելու ջանքերին»:
ԺԴԿ-ն իր նախընտրական ծրագրում նախատեսել է նաև պետական մակարդակով ներողություն խնդրել պատմության ընթացքում տարբեր ժողովուրդների հանդեպ իրագործված ցեղասպանությունների և կոտորածների համար:
«Մենք ջանք կթափենք հավասար, ազատ և ժողովրդավարական հեռանկարներ ձևավորելու համար՝ ընդդեմ ռասիստական, շովինիստական և ազգայնամոլական քաղաքականության, որը մի ազգին վեր է դասում մյուսից»:
Նախընտրական ծրագրում քրդամետ կուսակցությունը նաև խոստացել է, որ Թուրքիայի ազգային փոքրամասնություններին կտրվի մայրենի լեզվով կրթություն ստանալու հնարավորություն:
«Կրթության բոլոր մակարդակներում որպես պետական լեզու ուսուցանվող թուրքերենի կողքին յուրաքանչյուր քաղաքացու հնարավորություն կտրվի նաև կրթություն ստանալու իր մայրենի լեզվով»,- ասված է ԺԴԿ-ի նախընտրական ծրագրում:
Անդրադառնալով Թուրքիայում կառավարման նախագահական համակարգի ներդրման հեռանկարներին՝ ԺԴԿ-ն իր ծրագրում վճռականություն է հայտնել՝ կանխարգելել այդ նախաձեռնության իրագործումը:
«ԺԴԿ-ն թույլ չի տալու, որ նախագահական համակարգը, որին մեր կուսակցությունը բացահայտորեն դեմ է, վերածվի սահմանադրական փոփոխությունների հիմնական նախապայմանի: ԺԴԿ-ն թույլ չի տալու, որ նախագահական համակարգը հաստատվի»:
Այս ենթաբաժնի վերջին նորությունները
Գյուրբյուզ Չափանը անդրադարձել է հայ-թուրքական կարգավորման գործընթացին, պատմել Տեր-Պետրոսյանի հետ հանդիպման, Գորշ գայլերի առաջնորդի կողմից աջակցություն ստանալու և ցեղասպան հորեղբոր մասին։
Համաձայնագրերի ստորագրման արարողությունը կայացել է նախագահական պալատում։
Այցը ծրագրվում է 2025-ին։ Այն իրականացվելու է քրիստոնեական եկեղեցու առաջին տիեզերական ժողովի 1700-ամյակը նշելու համար։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
Գյուրբյուզ Չափանը անդրադարձել է հայ-թուրքական կարգավորման գործընթացին, պատմել Տեր-Պետրոսյանի հետ հանդիպման, Գորշ գայլերի առաջնորդի կողմից աջակցություն ստանալու և ցեղասպան հորեղբոր մասին։
«Մենք այնտեղ (ԱՄՆ-ում) 6 հատ F-35 ինքնաթիռ ունենք։ Հիմա, երբ տեսան, որ մենք «Kaan» ենք ստեղծում, նրանց վերաբերմունքը փոխվել է»,-նշել էր Յաշար Գյուլերը։
Նախարար Գյուլերը նշել է, որ S-400-ը կօգտագործվի միայն այն դեպքում, երբ օդային հարձակման սպառնալիքը հասնի շատ բարձր մակարդակի։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |