Թուրքիայում ձերբակալում են քրդամետ կուսակցության ներկայացուցիչների

Իրավական09:45, 06 Հոկտեմբեր 2015

Թուրքիայում ձերբակալում են քրդամետ կուսակցության ներկայացուցիչների

Թուրքիայում արտահերթ խորհրդարանական ընտրություններից 1 ամիս առաջ ընդդիմադիր քրդամետ «Ժողովուրդների դեմոկրատական կուսակցության» (ԺԴԿ-HDP) անդամներ են ձերբակալվում:

Թուրքական «Radikal» լրատվական կայքը հայտնում է, որ հոկտեմբերի 2-ին Թուրքիայի ոստիկանության ահաբեկչության դեմ պայքարի վարչությունը միաժամանակյա գործողություններ է իրականացրել մի շարք նահանգներում և շրջաններում:

Գործողությունների ժամանակ ձերբակալվել է 51 մարդ, որոնց մեջ եղել են նաև քրդամետ կուսակցության նահանգային և շրջանային կառույցների ղեկավարներ: Ձերբակալվածներից 48-ը ուղարկվել է դատարան: Նրանցից 22-ը ցուցմունք տալուց հետո ազատ է արձակվել, իսկ 26 հոգու կալանավորելու պահանջ է ներկայցվել: Վերջինների նկատմամբ «զինված խմբավորման անդամակցելու» և «պետության միասնականությանը և երկրի ամբողջականությանը սպառնալու» մեղադրանք է առաջադրվել:

Աղբյուր` Ermenihaber.am