Թուրքիայի բնակչության 67.8 տոկոսի առողջությունը լավ կամ շատ լավ է

Հասարակական09:18, 15 Հոկտեմբեր 2015

Թուրքիայի բնակչության 67.8 տոկոսի առողջությունը լավ կամ շատ լավ է

«Տնտեսական համագործակցության և զարգացման կազմակերպությունը» (OECD) հրապարակել է իր «Hows life- Ինչպիսին է կյանքը- 2015» հաշվետվությունը: Ինչպես հայտնում է թուրքական «gercekgundem.com» լրատվակայքը, ըստ հաշվետվության՝ Թուրքիայի բնակչության 12.7 տոկոսը բնակարաններում չունի սեփական սանհանգույց, այս ցուցանիշը OECD-ի միջին ցուցանիշի համեմատ շատ ցածր է: Նշվում է, որ Ռուսաստանում այս ցուցանիշը կազմում է 16 տոկոս:

Թուրքիայի բնակչության միայն 2 տոկոսն է մատնված երկարատև գործազրկության, այս առումով Թուրքիան համապատասխանում և նույնիսկ գերազանցում է OECD միջին ցուցանիշին (2.6 տոկոս): Բայց երկարաժամկետ գործազուրկ մնալու ռիսկը Թուրքիայում չափազանց մեծ է, իսկ բնակչության 40.9 տոկոսը մշտապես ստիպված է աշխատել երկար ժամեր շարունակ, OECD-ի միջինացված ցուցանիշը այս առումով կազմում է 12.5 տոկոս:

Թուրքիայի բնակչության 67.8 տոկոսի առողջությունը լավ կամ շատ լավ է: Այս ցուցանիշը ևս բավական մոտ է OECD–ի սահմանած միջին միավորին: Նշվում է նաև, որ Թուրքիայի բնակչության 86.1 տոկոսը համոզված է, որ դժվար իրավիճակում հայտնվելիս կարող է հույս դնել մտերիմների ու բարեկամների վրա: OECD –ը այս առումով սահմանած միջին ցուցանիշը 88 տոկոս է:
«Տնտեսական համագործակցության և զարգացման կազմակերպության» երկրների շարքում ամենամեծ մասնակցությունը ընտրություններին գրանցվում է հենց Թուրքիայում, սակայն դա ավելի շատ բացատրվում է ընտրություններին պարտադիր մասնակցելու անհրաժեշտությամբ:

Թուրքիայի բնակիչների 25-34 տարիքային խմբում բարձրագույն կրթություն ունեցողները 2013թ. դրությամբ կազմել են 47.7 տոկոս: Ընդ որում, Թուրքիայի համար այս ցուցանիշը 2000թ. 27.7 տոկոս էր: Այնինչ OECD–ի միջինացված տվյալների համաձայն՝ տվյալ տարիքային խմբի մասնագիտական կրթվածության մակարդակը պետք է կազմի 83.6 տոկոս:

Աղբյուր` Ermenihaber.am

Այս ենթաբաժնի վերջին նորությունները

12:22, 25 նոյ

Թուրքիայի բնակչության 54 տոկոսը մեկ և ավելի օտար լեզվի է տիրապետում

Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։