Քրիստոներության վերաբերյալ աննախադեպ գիրք է հրատարակվել Թուրքիայում

Հասարակական07:46, 20 Հոկտեմբեր 2015

Քրիստոներության վերաբերյալ աննախադեպ գիրք է հրատարակվել Թուրքիայում

Թուրքիայում քրիստոնեական կրոնի հիմունքներին նվիրված համապարփակ մի աշխատություն է լույս տեսել, որն իր բնույթով աննախադեպ է այդ երկրում:

Թուրքական «sat7turk.com.tr» լրատվակայքի տեղեկացմամբ՝ «Քրիստոնեության հիմնական սկզբունքները» անվամբ գիրքը կազմվել է 11 հոգանոց հանձնաժողովի կողմից ավելի քան 10 տարվա ընթացքում:

Հանձնաժողովի անդամներն են եղել Թուրքիայում գործող կաթոլիկ, հայ ուղղափառ, հույն ուղղափառ, սիրիական ուղղափառ և բողոքական եկեղեցիների ներկայացուցիչները: Ըստ աղբյուրի՝ սա առաջին համաքրիստոնեական աշխատությունն է՝ նվիրված քրիստոնեության բոլոր ուղղություները մեկտեղող հիմնական սկզբունքներին:

Գրքի շնորհանդեսին ելույթով հանդես եկած հայ եպիսկոպոս Սահակ Մաշալյանը նշել է, որ հանձնաժողովը կազմավորվել է 2002թ., երբ Թուրքիայի ազգային կրթության նախարարությունը դիմել էր եկեղեցիներին՝ թուրքական դասագրքերում քրիստոնեության վերաբերյալ տեքստերի վերամշակման, նոր տեքստեր կազմելու համար: Այնուհետև հանձնաժողովը նաև քրիստոնեության մասին առանձին դասագիրք է կազմել: Եպիսկոպոսը հույս է հայտնել, որ գիրքը կթարգմանվի նաև այլ լեզուներով:

Աղբյուր` Ermenihaber.am

Այս ենթաբաժնի վերջին նորությունները

12:22, 25 նոյ

Թուրքիայի բնակչության 54 տոկոսը մեկ և ավելի օտար լեզվի է տիրապետում

Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։