Քաղաքական08:35, 22 Հոկտեմբեր 2015
«Sabah»-ը ուշագրավ նորություններ է ներկայացրել Էրդողան-Պուտին հեռախոսազրույցի մասին
Թուրքական իշխանամետ «Sabah» թերթի կայքն ուշագրավ անդրադարձ է կատարել Թուրքիայի նախագահ Ռեջեփ Թայիփ Էրդողանի և Ռուսաստանի Դաշնության նախագահ Վլադիմիր Պուտինի հեռախոսազրույցին: Ըստ աղբյուրի՝ զրույցի ժամանակ քննարկվել են նախօրեին Սիրիայի նախագահ Բաշար Ասադի՝ Մոսկվա կատարած այցի մանրամասները:
Պուտինը նշել է, որ Ասադը մտահոգված է իր երկրի ապագայի համար, նա էլ է հասկանում, որ դժվար պայմաններում է հայտնվել: Բայց միևնույն ժամանակ Ասադը պատրաստ է քայլեր ձեռնարկել՝ անցման փուլին ընդառաջ:
Ի պատասխան Էրդողանը հիշեցրել է, որ այդ թեման արդեն տարիներ ի վեր քննարկվում է, իսկ Ասադը 2011թ.–ից սկսած սոսկ խոստումներ է տալիս, սակայն չի կատարում ոչինչ: Ըստ Էրդողանի՝ իրենք դեռ 2012-ին են Ասադին անցումային փուլի ծրագիր առաջարկել: Սակայն վերջինս մերժել է:
«Մեր մոտեցումը հստակ է: Ձեզ էլ բազմիցս ասել ենք. մենք Ասադին չենք հավատում ու չենք վստահում: Նա միայն ժամանակ է ուզում շահել»,- հայտնել է Էրդողանը:
Նա նաև Պուտինին հիշեցրել է այն խոսակցությունները, թե իբր PYD-ն («Ժողովրդավարկան միություն կուսակցությանը» - քրդերեն՝ Partiya Yekitiya Demokrat) պատրաստվում է Մոսկվայում հաղորդակցման կենտրոն բացել, ինչպես նաև այն, թե Ռուսաստանը զենք է մատակարարում PYD–ին: Թուրքիայի նախագահը զգուշացրել է, որ իրենք PYD-ին ահաբեկչական խմբավորում են համարում և խիստ անհանգստացած են PYD–ի հետ Ռուսաստանի հարաբերություններից: Ըստ Էրդողանի ՝ եթե Ռուսաստանը PYD-ի հետ համագործակցի, դա կլինի համագործակցություն իր դաշնակից Թուրքիայի թշնամու հետ: Իսկ դա բացասաբար կանդրադառնա Թուրքիա-Ռուսաստան հարաբերությունների վրա:
Նշենք, որ PYD-ի համանախագահ Ասյա Օսմանը և Քոբանիի ղեկավարներից Էնվեր Մյուսլիմը հանդիպում էին ունեցել Ռուսաստանի փոխարտգործնախարար Միխայիլ Բոգդանովի հետ: Հանդիպման շրջանակներում քննարկվել էին Սիրիայում տեղի ունեցող զարգացումները:
Հիշեցնենք նաև, որ հոկտեմբերի 20-ին Սիրիայի նախագահ Բաշար Ասադն այցելել է Ռուսաստան և երկար բանակցություններ ունեցել նախագահ Պուտինի հետ: Բանակցություններից հետո Պուտինն ու Էրդողանը հեռախոսազրույց են ունեցել, որն ըստ թուրքական իշխանամետ «Sabah»-ի պարբերականի ՝ տեղի է ունեցել Պուտինի նախաձեռնությամբ:
Այս ենթաբաժնի վերջին նորությունները
Թուրքական «Asal» հետազոտական կենտրոնի կողմից սոցհարցում է անցկացվել՝ պարզելու, թե ընտրելու իրավունք ունեցողները, որ քաղաքական ուժի օգտին են քվեարկելու։
Թուրքիայում խոշոր սոցհարցում է անցկացվել՝ պարզելու երկրի 81 նահանգների IQ մակարդակը:
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։
«Մենք այնտեղ (ԱՄՆ-ում) 6 հատ F-35 ինքնաթիռ ունենք։ Հիմա, երբ տեսան, որ մենք «Kaan» ենք ստեղծում, նրանց վերաբերմունքը փոխվել է»,-նշել էր Յաշար Գյուլերը։
Պաշտոնական Անկարան դա որակել է որպես անընդունելի զարգացում։
Թուրքական «Asal» հետազոտական կենտրոնի կողմից սոցհարցում է անցկացվել՝ պարզելու, թե ընտրելու իրավունք ունեցողները, որ քաղաքական ուժի օգտին են քվեարկելու։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |