Արև Միրաքյան. «Այսուհետև ամեն վայր վերածելու ենք «Քամփ Արմեն»-ի»

Հասարակական09:15, 28 Հոկտեմբեր 2015

Արև Միրաքյան. «Այսուհետև ամեն վայր վերածելու ենք «Քամփ Արմեն»-ի»

Նախօրեին հայտի դարձավ, որ Ստամբուլի Թուզլա շրջանում գտնվող հայ որբերի ամառային ճամբարը վերադարձվել է հայկական համայնքին: «Քամփ Արմեն» անունով հայտնի շինությունը, որը ժամանակին եղել է չքավոր ու որբ հայ երեխաների ամառային ճամբարը, ապօրինաբար խլվել էր հայ համայնքի ձեռքից: Ճամբարը վերադարձնելու համար պայքարող մի խումբ երիտասարդներ արդեն 175 օր շուրջօրյա հերթապահություն էին անցկացնում այնտեղ: Նրանցից մեկը` Արև Միրաքյանը, իրենց հաղթական պայքարի մասին զրուցեց Ermenihabr.am-ի հետ:

Արևը հայտնեց, որ այն պահից, ինչ իրենք սկսել են հերթապահություն անցկացնել ճամբարում և պահանջել վերադարձնել շինությունը, ստեղծվել է հատուկ հանձնաժողով, որը ներկայացրել է իրենց պահանջը հակառակ կողմին: Շուրջ 6 ամիս տևած բանակցությունների արդյունքում հանձնաժողովին հաջողվել է հաղթանակ տանել:

Կիսելով հաղթանակի բերկրանքը՝ Արևը ասաց. «Այդ լուրն ինձ երջանկացրեց, վերջիվերջո պայքարի արդյունքում հասանք հաղթանակի: Սա բոլորիս հաղթանակն է: Երկար ժամանակ է` լավ լուրեր լսելու կարիք ունեինք: Այսուհետև պայքարելու ենք ամեն տեղի համար, ամեն վայր վերածելու ենք «Քամփ Արմեն»-ի»:

Հիշեցնենք, որ «Քամփ Արմեն» հայկական ճամբարը Ստամբուլի Թուզլա շրջանում գտնվող լքյալ ու կիսաքանդ մի շինություն է: 8.552 քմ տարածք զբաղեցնող «Քամփ Արմենը» 1961 թվականին գնվել էՀայ բողոքական եկեղեցու հիմնադրամի կողմից և ծառայել է որպես ամառային ճամբար` Գեդիկփաշայի հայկական դպրոցի չքավոր ու որբ սաների համար: Այնտեղ են մեծացել Հրանտ Դինքը և նրա կինը՝ Ռաքել Դինքը: Հետագայում ճամբարը թուրքականիշխանությունների կողմից ապօրինաբար խլվել է հայ համայնքից:

2015 մայիսի 6-ի ճամբարի ներկայիս սեփականատիրոջ նախաձեռնությամբ սկսվել էր ճամբար-մանկատան ապամոնտաժումը, սակայն կարճ ժամանակ անց Թուրքիայի հայկական համայնքի սկսած բողոքի լայնածավալ միջոցառումների շնորհիվ շինության ապամոնտաժումը ժամանակավորապես հնարավոր եղավ դադարեցնել: Հոկտեմբերի 27-ին, երբ ճամբարը վերադարձվեց հայ համայնքին, լրացավ ապամոնտաժումը թույլ չտալու նպատակով «Քամփ Արմեն»-ում սկսված հերթապահության 175-րդ օրը:

Աղբյուր` Ermenihaber.am

Այս ենթաբաժնի վերջին նորությունները

12:22, 25 նոյ

Թուրքիայի բնակչության 54 տոկոսը մեկ և ավելի օտար լեզվի է տիրապետում

Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։